យើងទាំងអស់គ្នា មិនសូវដឹងថានៅលើពិភពលោកយើងនេះមានជំងឺ អ្វីខ្លះដែលមានការទាក់ទងនឹង ការគេង នោះទេ។ តែអ្វីដែលយើងដឹង គឺគ្រាន់តែដឹងថា យើងត្រូវការ 10-15នាទី ដើម្បីគេងលក់អោយបានស្រួល តែវាមិនមែនទាំងអស់នោះទេ។ ហើយ យើងម្នាក់ៗត្រូវការប្រហែលយ៉ាងហោចណាស់ 6-9ម៉ោងសំរាប់មនុស្សពេញវ័យ និងចាស់ ហើយសីតុណ្ហភាពក៏ទាក់ទងដែល កាន់តែត្រជាក់ កាន់តែគេងស្រួល (16-19 អង្សាសេ)។ ដើម្បីអោយកាន់តែគេងបានស្រួលនោះ គេមានវិធីខ្លះអាចជួយអ្នកបាន។
ក្រោកពីគេងពីព្រលឹម
ការងើបពីព្រលឹម អាចជួយអោយអ្នកចូលដំណេកវិញក៏លឿនដែរ។ វាល្អសំរាប់អ្នកដែលចូលចិត្តគេងយប់ៗ ។ នៅពេលដែលអ្នកធ្វើវាដំបូងវាពិតជាពិបាក ប៉ុន្តែយូរទៅអ្នកប្រាកដជាអាចទម្លាប់ ព្រោះការគេងលឿន នឹង ឆាប់ងើបវាធ្វើអោយខួរក្បាលអ្នកដើរបានល្អ ហើយមិនចាំបាច់មានការទទួលទានកាហ្វេអ៊ីន អ្វីជំនួយទេ។ ដើម្បីអោយអ្នកទម្លាប់វាកាន់តែលឿន នៅពេលដែលអ្នកក្រោកពីគេងអ្នកអាចចេញទៅក្រៅដើម្បីទទួលយកនៅពន្លឺព្រះអាទិត្យ ព្រោះវាជួយអ្នកខ្លួនរបស់អ្នកឆាប់ដឹងពីពេលក្រោក។
ហាត់ប្រាណ
ការហាត់ប្រាណពេលព្រឹក ឬ ពេលរសៀល ទោះជាអ្នកហាត់អ្វីក៏ដោយ អាចជួយអ្នកអោយគេងលក់បានស្រួល ហើយឆាប់ក្រោកទៀតផង។ ប៉ុន្តែអ្នកមិនគួរ ហាត់មុនចូលគេងនោះទេ ព្រោះវាអាចធ្វើអោយអ្នកគេងមិនបាន។
ពិសាទឹកក្តៅ
ទឹកក្តៅ មុនចូលគេង ជួយអោយអ្នកមានអារម្មណ៍ធូរស្រាល និង រៀបចំខ្លួនសំរាប់គេង។ អ្នកអាចទទួលទាន ទឹកដោះគោក្តៅ ឬ ទឹកធម្មតាក្តៅ ប៉ុន្តែកុំលាយជាមួយពពួកcaffeine ដូចជា កាហ្វេ ឬ សូកូឡា។ កន្លះម៉ោងមុនចូលគេង បន្ទាប់អ្នកអាចអានសៀវភៅក៏បាន តាមចំនង់ចំនូលចិត្តអ្នក។
ស្តាប់ចំរៀង
ឥឡូវនេះ ចំរៀងអ្នកអាច ដោនឡូដ និងស្តាប់បានគ្រប់ពេល ដូចនេះអ្នកគួរតែ ដោនឡូដនូវបទចំរៀងដោយមានតែឧបករណ៍ មួយ ឬ ពីរ ដូចជា Piano ឬ guitar ស្តាប់ខ្សោយៗ ហើយបិទភ្នែក បន្ទាប់ពីពិសាទឹកក្តៅ អ្នកនឹងគេងដល់លក់ស្រួល។ ប៉ុន្តែកុំស្តាប់ចំរៀងណាលឺៗ វាអាចអោយអ្នកគេងមិនលក់។
បិទភ្លើង ទូរស័ព្ទ ឬ កុំព្យូទ័រ
តាមការស្រាវជ្រាវ ភ្លើងពណ៌ខៀវ ដែលចេញពី ទូរស័ព្ទ ឬ កុំព្យូទ័រ ឬ ភ្លើងផ្ទះធម្មតា អាច ធ្វើអោយកាត់បន្ថយការគេងរបស់អ្នក។ បើអ្នកខ្លាចងងឹត អ្នកអាចទិញនូវអំពូលភ្លើងដែលដែលពន្លឺ ពណ៌លឿងដែលអាចបន្ថយពន្លឺអោយនៅសល់តិចៗ។
