ក្រុមហ៊ុន HP ទើបតែបានធ្វើការឌីហ្សាញឡើងវិញនូវលេបថប super slim HP Spectre របស់ពួកគេ ទៅជា Spectre x360 ដែលធ្វើឲ្យវាជាប់ឈ្មោះជា laptop ល្អជាងគេក្នុងចំនោមលេបថបទាំងអស់របស់ HP ហើយវាមានកម្រាស់ស្ដើង ស្អាត មានថាមពលថ្ម និង CPU ខ្លាំងជាងស៊េរីមុនរបស់វា។ ក្រុមហ៊ុន HP បានបញ្ចូលការឌីហ្សាញថ្មីរបស់ពួគគេក្នុងលេបថបមួយនេះ រួមមាន ការឌីហ្សាញ Logo ថ្មី និងមុខងារអាចបត់អេក្រង់បាន 360 ដឺក្រេទៅក្រោយ។
ក្រុមហ៊ុន HP បានដើរផ្លូវជាមួយក្រុមហ៊ុន Dell ក្នុងការឌីហ្សាញអេក្រង់លេបថប ដែលមានគែមអេក្រង់តូច តែបានទុកគែមខ្លះនៅផ្នែកខាងលើអេក្រង់សម្រាប់ដាក់កាមេរ៉ា webcam។ លេបថប Spectre x360 មានកម្រាស់ 13.8 mm (មីលីម៉ែត្រ) ស្ដើងជាងជំនាន់មុនរបស់វា 13 ភាគរយ និងមានទម្ងន់ 1.3 kg (គីឡូក្រាម) ស្រាលជាមុន 11 ភាគរយ ហើយក្រុមហ៊ុន HP បានអះអាងថាវាមានថាមពលថ្មបានយូរជាងមុន មូលហេតុចម្បងដោយសារ processor ថ្មីរបស់វា។
Spec របស់លេបថប Spectre x360៖
- Kaby Lake Core i5 and i7 Processors
- ទំហំអង្គចងចាំរហូតដល់ទៅ 1 TB SSD
- ទំហំ RAM អាចឡើងដល់ 16 GB RAM
- Windows Hello camera
- រន្ធ USB-C (Thunderbolt 3) ports ចំនួនពីរ និងរន្ធ Type-A 3.0 port ចំនួនមួយ
- Bang & Olufsen speakers ចំនួន 4 គ្រាប់
- Fast charging (សាកថ្មឡើងដល់ 90 ភាគរយ ក្នុងរយៈពេល 90 នាទី)
ចំពោះអេក្រង់របស់ Spectre x360 ទំហំ 13.3 អ៊ីញនេះ ក្រុមហ៊ុន HP បានកំណត់ទំហំ resolution តែត្រឹម 1080p IPS resolution តែប៉ុណ្ណោះសម្រាប់ការលក់បច្ចុប្បន្ន វាអាចនឹងមានការ update លើ version ក្រោយបើសិនជាមានតម្រូវការច្រើនលើអេក្រង់ល្អជាងនេះ ជាពិសេសសម្រាប់អ្នកខាងឌីហ្សាញ និងអ្នកថតរូប ក៏ប៉ុន្តែទំហំ resolution នេះ គឺវាគ្រប់គ្រាន់ហើយសម្រាប់ធ្វើការងារមួយចំនួនធំ សម្រាប់កុំព្យូទ័រលេបថប ដែលតូចអាចយកតាមខ្លួនបានគ្រប់ទីកន្លែងមួយនេះ។ ហើយម្យ៉ាងទៀត ក្រុមហ៊ុន HP ធ្វើបែបនេះ គឺដើម្បីអាចគាំទ្រការអះអាងរបស់ពួកគេថាថ្មរបស់វាអាចប្រើបានដល់ទៅ 15 ម៉ោង។
អ្នកអាចរកជាវកុំព្យូទ័រលេបថប Spectre x360 នេះបាននៅក្នុងវែបសាយរបស់ HP (HP.com) ដែលវាមានតម្លៃចាប់ពី $1,050 ឡើងទៅ។