ជាធម្មតាសំរាប់ក្រុមហ៊ុនផលិតរថយន្តមុនពេលដែលពួកគេគ្រោងនឹងផលិតរថយន្តប្រភេទថ្មីមួយ ពួកគេតែងតែផលិតនៅរថយន្តគំរូសំរាប់ម៉ូដែលថ្មីទាំងនោះ ដើម្បីស្ទាប់ស្ទុងទីផ្សារ និង ចំណាប់អារម្យរបស់អ្នកប្រើប្រាស់។ មានរថយន្តគំរូជាច្រើនត្រូវបានទទួលការគាំទ្រ និង ពេញចិត្តយ៉ាងខ្លាំងនៅពេលដែលរថយន្តទាំងនោះបានធ្វើការដាក់តាំងបង្ហាញនៅកម្មវិធីពិពណ៍រថយន្តម្តងៗ។ សំរាប់អត្ថបទនេះខ្ញុំសូមបង្ហាញជូនប្រិយមិត្តទាំងអស់នៅប្រភេទរថយន្តគំរូមួយចំនួនដែលត្រូវបានក្រុមហ៊ុនរថយន្តល្បីៗមួយចំនួនបានដាក់តាំងបង្ហាញក្នុងកម្មវិធីពិពណ៍រថយន្តនៅជុំវិញពិភពលោកនៅក្នុងឆ្នាំ 2015 នេះ។ បើចង់ដឹងថារថយន្តគំរូទាំងអស់នោះស្អាត និង ឡូយប៉ុណ្ណា? ហើយវាមានលក្ខណៈពិសេសៗអ្វីខ្លះនោះ? យើងអាចជ្រៀបច្បាស់នៅខាងក្រោមនេះ។
Bentley EXP
EXP 10 Speed 6 គឺជារថយន្តគំរូមួយរបស់ Bentley ដែលបានទទួលការចាប់អារម្មណ៍ខ្លាំងបំផុតពីសំណាក់អ្នកគាំទ្រ នៅក្្នុងការដាក់តាំងបង្ហាញពិពណ៍រថយន្តរបស់ទីក្រុង Geneva ប្រទេសស្វីស កាលពីខែមិនាកន្លងមកនេះ។ យើងទាំងអស់គ្នាមានសេចក្តីរំពឹងទុកថា Bentley នឹងចាប់ផ្តើមផលិតម៉ូដែល ដែលដូចទៅនឹងរថយន្តគំរូនេះ ព្រោះថារថយន្តគំរូប្រភេទ EXP 10 Speed 6 គឺជាម៉ូដែលមួយដែលមានសក្តានុពលខ្លាំងសំរាប់ពេលអានាគត ជាមួយនឹងទស្សនៈវិស័យអំពីការរចនាម៉ូដដ៏ច្បាស់លាស់ និង ទាន់សម័យមួយ។ បើតាមការពិនិត្យជាក់ស្តែងទៅលើផ្នែកជាច្រើនរបស់រថយន្ត យើងនឹងកាន់តែមានជំនឿថារក្រុហ៊ុន Bentley បានត្រៀមខ្លួនជាស្រេចក្នុងការផលិតវា ព្រោះដោយសារការរចនាម៉ូដទៅលើផ្នែកជាច្រើននៃរថយន្តដូចជា ផ្នែកចង្កៀងមុខរថយន្ត ផ្ទៃសំណាញ់ខាងមុខរបស់រថយន្ត និង ផ្នែកខាងក្នុងរបស់រថយន្តជាដើម ដែលសុទ្ធតែមានលក្ខណៈរចនាម៉ូដប្រភេទស្បែកជាមួយនឹងក្បាច់បែបប្រពៃណីរបស់ Bentley។ សំរាប់ប្រភេទ និង កំលាំងម៉ាស៊ីនរបស់រថយន្តវិញ ទោះបីជារថយន្តគំរូនេះមានឈ្មោះថា EXP 10 Speed 6 ក៏ដោយ ប៉ុន្តែសំរាប់ខាងក្រុមហ៊ុន Bentley នឹងមិនមានគំរោងក្នុងការផលិតម៉ាស៊ីនរថយន្តដែលមានកំលាំងក្រោម V8 នោះឡើយ។
រូបភាពពីគេហទំព័រ edmudns.com
រូបភាពពីគេហទំព័រ edmudns.com
រូបភាពពីគេហទំព័រ edmudns.com
រូបភាពពីគេហទំព័រ edmudns.com
រូបភាពពីគេហទំព័រ edmudns.com
Hyundai Vision G Coupe
កាលពីខែកញ្ញា នៅក្នុងកម្មវិធីតាំងបង្ហាញពិពណ៍រថយន្តរបស់ទីក្រុង Los Angeles ក្រុមហ៊ុន Hyundai បានដាក់តាំងបង្ហាញរថយន្តម៉ូដែល Hyundai Vision G Coupe ដែលជារថយន្តគំរូហើយដែលគ្រោងនឹងផលិតសំរាប់ទីផ្សារនាឆ្នាំ 2016 ខាងមុខនេះ។ Hyundai Vision G Coupe គឺជាប្រភេទរថយន្ត coupe ដែលមានទំហំធំ និង រូបរៀងបែបស្ព័រទាន់សម័យមួយ ដែលនឹងក្លាយទៅជាគូរប្រជែងទីផ្សារជាមួយនឹងរថយន្ត Mercedes Benz S Class Coupe ជាមួយនឹងតំលៃដ៏សំរម្យបើប្រៀបធៀបជាមួយនឹងរថយន្ត coupe របស់ Mercedes Benz និង ក្រុមហ៊ុនរថយន្តប្រណិតដ៏ទៃទៀត។ សំរាប់ប្រភេទម៉ាស៊ីនវិញ Hyundai នឹងផ្តល់ឲ្យអតិថិជនរបស់គេជាមួយនឹងជំរើសរវាងម៉ាស៊ីន V6 និង V8។
រូបភាពពីគេហទំព័រ edmudns.com
រូបភាពពីគេហទំព័រ edmudns.com
រូបភាពពីគេហទំព័រ edmudns.com
រូបភាពពីគេហទំព័រ edmudns.com
Lincoln Continental
កាលពីខែមិនាកន្លងនេះ Lincoln ដែលជាក្រុមហ៊ុនផលិតរថយន្តប្រណិតយក្សរបស់អាមេរិកបានដាក់តាំងបង្ហាញឲ្យទស្សនិច្ចកជនបានឃើញនៅរថយន្តប្រភេទ Sedan ប្រណិតដ៏កំពូលមួយរបស់ពួកគេនោះគឺរថយន្តគំរូ Lincoln Continental។ សំរាប់ Lincoln Continental គឺពិតជាមានលក្ខណៈពិសេស និង ប្លែកពីការរចនាម៉ូដម៉ូដែលមុនៗរបស់ Lincoln ពោលគឺវាបានត្រូវគេដាក់បញ្ចូលនៅការរចនាម៉ូដថ្មីៗជាច្រើនទៅលើវាដូចជា ការកែប្រែសំណាញ់ខាងមុខនៃរថយន្ត ដែលពីមុន Lincoln តែងតែរចនាម៉ូដបែបលក្ខណៈដូចជាស្លាប ប៉ុន្តែសំរាប់ម៉ូដែលគំរូនេះគឺមិនមានទៀតឡើយ។ ម៉្យាងវិញទៀត Lincoln Continental ក៏បានបន្ថែមនៅបច្ចែកវិទ្យាទំនើបៗជាច្រើនទៀតផងដែរ មានដូចជាប្រព័ន្ធស្មាតឃី និង ប្រព័ន្ធភ្លើង LED ខ្សែរជាមួយនឹង LED បែបដំទឹកកកដែលមានប្រាំដុំសំរាប់ចង្កៀងខាងមុខ និង ប្រព័ន្ធភ្លើងទំនើប ជាមួយនឹងការរចនាមូ៉ដចង្កៀងភ្ជាប់គ្នាសំរាប់ចង្កៀងខាងក្រោយ។ រីឯចំណុចពិសេសមួយដែល Lincoln បានដាក់បញ្ចូលទៅក្នុងរថយន្តគំរូមួយនេះគឺកំរាលដែលធ្វើអំពីរោមចៀមដ៏ទន់ និង មានតំលៃ។ សំរាប់ប្រភេទម៉ាស៊ីនដែល Lincoln Continental គ្រោងនឹងបំពាក់នោះគឺប្រភេទម៉ាស៊ីនសាំង V6 ទំហំស៊ីឡាំង 3.0 ជាមួយប្រព័ន្ធចំនួយ EcoBoost ដែលនឹងអាចដំណើរការដោយក្រឡេមុខ និង ក្រឡេមុខក្រោយ។
រូបភាពពីគេហទំព័រ edmudns.com
រូបភាពពីគេហទំព័រ edmudns.com
រូបភាពពីគេហទំព័រ edmudns.com
រូបភាពពីគេហទំព័រ edmudns.com
Audi Prologue Avant
Audi Prologue Avant គឺជាប្រភេទរថយន្តគំរូរបស់ Audi ដែលបានដាក់តាំងបង្ហាញនៅការតាំងបង្ហាញពិពណ៍រថយន្តរបស់ទីក្រុង Geneva ប្រទេសស្វីស កាលពីខែមិនាកន្លងមកនេះ។ យោងតាមសំដីរបស់អ្នករចនាម៉ូដរបស់ Audi បានប្រាប់ថា Audi Prologue Avant គឺបានការផ្តើមគំនិតរចនាម៉ូដពីម៉ូដែលដើមរបស់វាដែលបានផលិតដំបូងតាំងពីឆ្នាំ 1982។ សំរាប់ការរចនាម៉ូដខាងក្រៅ Audi Prologue Avant ត្រូវបានរចនាម៉ូដដែលមានលក្ខណៈស្រដៀងទៅនឹងម៉ូដែល e-tron ដែលមានសំណាញ់ខាងមុខ និង ចង្កៀងខាងមុខស្រដៀងគ្នា ពោលគឺមានរចនាបទជំនាន់ថ្មីជាមួយគ្នា។ ចំណែកឯការកែប្រែខាងក្នុងនោះគឺមានលក្ខណៈទំនើបជាងរថយន្តផ្សេងៗរបស់ Audi ដោយរថយន្តគំរូមួយនេះបានបំពាក់ទៅដោយអេក្រង់ touch screen ដែលមានរូបរាងកោងសំរាប់គ្រប់គ្រង់បច្ចែកវិទ្យាទាំងឡាយក្នុងរថយន្ត ដែលមានទីតាំងត្រង់ចំណុចកណ្តាលរវាងកន្លែងអ្នកបើកបរ និង អ្នកដំណើរ។ ចំណែកឯម៉ាស៊ីនវិញ Audi Prologue Avant នឹងត្រូវបំពាក់ជាមួយនឹងប្រភេទម៉ាស៊ីពីរប្រភេទដើម្បីជាជំរើសគឺ ប្រភេទម៉ាស៊ីនសាំង V8 ដែលមានទំហំស៊ីឡាំង 4.0L និង ប្រភេទម៉ាស៊ី plug-in-hybrid ដែលប្រើប្រាសអាគ្គីសនី ជាមួយនឹងម៉ាស៊ីនម៉ាស៊ូត V6 ដែលមានទំហំស៊ីឡាំង 3.0L។
រូបភាពពីគេហទំព័រ edmudns.com
រូបភាពពីគេហទំព័រ edmudns.com
រូបភាពពីគេហទំព័រ edmudns.com
រូបភាពពីគេហទំព័រ edmudns.com
រូបភាពពីគេហទំព័រ edmudns.com