iPhone 7 និង iPhone 7 Plus ទើបតែបានប្រកាសកាលពីថ្មីៗនេះ ហើយវាពិតជាអស្ចារ្យទាំង បច្ចេកវិទ្យា និងកំលាំងល្បឿន ជាពិសេសថែមទាំងមានពណ៌ថ្មី និងមានកាមេរ៉ាភ្លោះ សម្រាប់ម៉ូដែល 7 Plus ទៀតផង ។ ប៉ុន្តែអ្វីដែលធ្វើអោយអ្នកគាំទ្រអាកអន់ស្រពុនចិត្តនោះគឺថា ក្រុមហ៊ុន Apple បានលុបបំបាត់ចោលរន្ធដោតកាស ដោយជំនួសវិញនូវ speaker មួយទៀត ហើយមិនតែប៉ុណ្ណោះ ខ្លួនក៏បានបញ្ចេញ កាសអត់ខ្សែ AirPods ថ្មី ផងដែរ ដែលវាមានតំលៃ 159$ ឯណោះ ។
ឧបករណ៍ Lightning Audio + Charge RockStar
កាលពីថ្មីៗនេះ ក្រុមហ៊ុន Apple បានផ្តល់សិទ្ធិទៅអោយក្រុមហ៊ុន Belkin ក្នុងការផលិតឧបករណ៍ adapter ដែលមានរន្ធបំបែក Lighting ជាពីរ ហើយអ្នកអាចសាកថ្មនិងស្តាប់ចំរៀងបានក្នុងពេលតែមួយ ។ ឧបករណ៍នេះមានឈ្មោះថា Lightning Audio + Charge RockStar ដែលមានតម្លៃ 40$ ហើយនឹងចេញលក់នៅ ថ្ងៃទី 10 ខែតុលា ខាងមុខនេះ ។
តើប្រិយមិត្តគិតយ៉ាងណាចំពោះការលុបបំបាត់ចោលនូវរន្ធដោតសំរាប់ iPhone ជំនាន់ក្រោយនេះ ? តើលោកអ្នកនឹងចំណាយថវិកាសំរាប់ ឧបករណ៍បំបែកនេះ ដែរឬទេ?