ឆាប់ៗនេះអ្នកនឹងឃើញមានប៊ូតុងថ្មី នៅក្នុង Account Facebook របស់អ្នក ដល់ពេលនោះសូមអ្នកកុំភ្ញាក់ផ្អើលឲ្យសោះ ព្រោះវាជាការដាក់ធ្វើតេសន៍នូវប៊ូតុង “Empathy” ថ្មីរបស់ Facebook ជាសាធារណៈ ដែលក្រុមហ៊ុននេះទើបតែចុះក្នុងប៉ាតង់ (Patent) ហើយ។

តើអ្វីទៅជា “Empathy” ប៊ូតុងរបស់ Facebook?

ប៉ាតង់លើ Empathy ប៊ូតុងដែល Facebook បានចុះ

Empathy ប៊ូតុងគឺជាប៊ូតុងថ្មីដែល Facebook នឹងមានគម្រោងដាក់នៅជិត LIKE ប៊ូតុង (យោងតាម ប៉ាតង់ ដែល Facebook ទើបនឹងចុះ) ហើយអ្នកអាចបង្ហាញពីអារម្មណ៍របស់អ្នកតាមរយៈ emoticon មួយចំនួនទៅលើ posts របស់មិត្តភ័ក្តរបស់អ្នក ដោយមិនចាំបាច់វាយនូវមតិរបស់អ្នកនៅក្នុង comment។

ប៉ាតង់លើ Empathy ប៊ូតុងដែល Facebook បានចុះ

ប៉ាតង់លើ Empathy ប៊ូតុងដែល Facebook បានចុះ

ខ្ញុំគិតថា ការបន្ថែមនូវប៊ូតុងថ្មីរបស់ Facebook នេះ ពិតជាមានប្រយោជន៍សម្រាប់ពេលអ្នកធ្វើអន្តរកម្មជាមួយនឹងមិត្តភក័ក្តរបស់អ្នកក្នុង Facebook នៅលើ posts របស់ពួកគេក្នុងស្ថានភាពមួយចំនួន។ ឧទាហរណ៍ នៅពេលដែលមិត្តភ័ក្តរបស់អ្នក post ពីអ្វីដែលកើតទុក្ខ ដូចជាអំពីបុណ្យសព្វសាច់ញាតិរបស់ពួកគេជាដើម នោះវាពិតជាឆ្គងណាស់បើអ្នកចុចលើប៊ូតុង LIKE ប៉ុន្តែជាមួយនឹងប៊ូូតុង “Empathy” ថ្មីដែលមានលក្ខណៈជា emoticon ដែលនឹងចេញក្នុងពេលឆាប់ៗនេះ អ្នកអាចចុចលើប៊ូតុងនេោះហើយជ្រើសយក emoticon មួយណាដែលសមនឹងស្ថានភាពនោះជាការស្រាច់ដោយមិនចាំបាច់វាយនូវ comment អ្វីនោះទេ។ ហេតុដូច្នេះហើយ ទើប Mark Zuckerberg ដែលជា CEO របស់ក្រុមហ៊ុន Facebook ហៅវាថា “Empathy” ប៊ូតុង ជាជាង “Dislike” ប៊ូតុងដែលនឹងត្រូវបានដាក់នៅជិត LIKE ប៊ូតុងនោះ។