ក្រុមហ៊ុន Samsung គឺជាក្រុមហ៊ុនមួយដែលមានបទពិសោធខ្ពស់ខាងវិស័យកាមេរ៉ាទូរស័ព្ទ ដែលត្រូវបានបង្ហាញដោយសមត្ថភាពដ៏ខ្លាំងខ្លាគួរឱ្យកោតសរសើរ នៃទូរស័ព្ទ Galaxy S7 / S7 edge , Note 5 និង Galaxy S6 ។ ហើយនៅពេលនេះក៏មានពត៌មានលេចឮថា Samsung កំពុងសំងំផលិតនូវកាមេរ៉ាថ្មីផងដែរ។
ក្រុមហ៊ុន Samsung កំពុងព្យាយាមធ្វើការអភិវឌ្ឍ CMOS កាមេរ៉ាជាមួយ sensor ទំហំធំ 1/1.7″ និង Lens ធំទូលាយហើយ aperture ទំហំ f/1.4 ផងដែរ មិនតែប៉ុណ្ណោះ sensor ថ្មីនេះអាចចាប់យករូបភាពជាមួយការរាប់ pixel គ្រប់កន្លែងចន្លោះពី 18 ទៅ 24 megapixels។ ហើយនៅពេលបច្ចុប្បន្ននេះទូរស័ព្ទ Galaxy S7 និង S7 edge មាន sensor ត្រឹមតែ 1/2.5″ តែប៉ុណ្ណោះ ហើយវាជាការសហការគ្នារវាងក្រុមហ៊ុន Samsung និងក្រុមហ៊ុន Sony ទៀតផង។
ដូច្នេះតើអ្វីដែលជាផលប្រយោជន៍នៃកាមេរ៉ាដែលមាន sensor ធំ? គឺមានន័យថាបើ sensor ធំគឺវាធ្វើអោយសម្ថភាពកាមេរ៉ាកាន់តែល្អប្រសើរជាងមុនដូចជាៈ រូបភាពដែលមានលក្ខណៈច្បាស់ល្អ អាចចាប់យកទិន្នន័យពណ៌បានច្រើន ជាមួយនឹង dynamic range (ចន្លោះរវាងងងឹត និងពន្លឺ) កាន់តែប្រសើរផងដែរ។
លើសពីនេះទៀតពាក្យចចាមអារ៉ាមថ្មីទៀតបានប្រាប់ថាក្រុមហ៊ុន Samsung កំពុងអភិវឌ្ឍន៍ sensor កាមេរ៉ាថ្មីទំហំ 1/2.3″។ យើងកំពុងចាប់អារម្មណ៍នូវគំនិត របស់ក្រុមហ៊ុន Samsung ជាខ្លាំងជាមួយការលើកយកកាមេរ៉ាដែលមាន sensor ធំទៅលើស្មាតហ្វូនកំពូលនាពេលអនាគតរបស់ពួកគេ។ យើងអាចនិយាយបានថាវាអាចនឹងបំពាក់នៅលើ ទូរស័ព្ទ Galaxy Note 6? ឬ Galaxy S8 ទេ? មានតែពេលវេលាទេដែលនឹងប្រាប់យើងបាន ចឹងមានតែរងចាំមើលទាំងអស់គ្នា។
