ក្រុមហ៊ុន HP ដែលជាក្រុមហ៊ុនដែលផលិតនូវកុំព្យូទ័រដ៏ធំ នៅក្នុងពិភពលោក បានកំពុងតែធ្វើការដើម្បីជំរុញ ផលិតផលរបស់ខ្លួនអោយខ្លាំងជាងគេ។ កំឡុងពេលនេះ ពួកគេបានបញ្ចេញនូវ កុំព្យូទ័រថ្មីមួយដែលពិភពលោកបាន ដាក់នាមថ្មីថាជាកុំព្យូទ័រ Laptop ដែលស្តើងជាងគេក្នុងពិភពលោក។ ហេតុអ្វីបានជាគេថាវាស្តើងជាងគេ ព្រោះ វាមានកំរាស់ត្រឹមតែ 10.4mmតែប៉ុណ្ណោះ បើប្រៀបទៅជាមួយនឹង Macbook Air ដែលមានកំរាស់ 17mm និង Macbook 12inch ដែលទើបនឹងចេញ ជាមួយនឹង RazerBlade stealth ដែលទាំងពីរនេះមានកំរាស់ 13mm។ តើវាមាន specification អ្វីខ្លះ? ហើយវាល្អយ៉ាងម៉េចខ្លះ?

តារាងពិព័រនាអំពី ភាពស្តើងនៃ laptop នៅពិភពលោក

Hyperbaric Chamber

Hyperbaric chamber គឺជាកន្លែងផ្ទុក នូវMotherboard និង cpu សំរាប់ធ្វើអោយវាទាំងពីរត្រជាក់។ ហេតុអ្វីបានជា HP លើកយករឿងនេះមកនិយាយ ព្រោះ CPU ដែលមានបានជ្រើសរើសសំរាប់ដាក់ក្នុងកុំព្យូទ័រ មួយគ្រឿងនេះគឺ Core i5/i7 ដែលជា CPU ដែលអាចមានកំដៅខ្ពស់នៅពេលប្រើ។ Hyperbaric chamber មានផ្ទុកទៅដោយ កង្ហា 2 ដែលស្តើង មានការងារក្នុងការបក់ខ្យល់ត្រជាក់ចូលទៅ Motherboard និង បញ្ចេញខ្យល់ក្តៅ ចេញតាមប្រហោងខាងក្រោយ។

ដកស្រង់ពីគេហទំព័រ pcworld

Specification

CPU: Core i5/i7
Ram: 8GB
អង្គចងចាំ : 512GB SSD
អេក្រង់ ៖ 1,920×1,080 full HD non-touch screen 13.3 inch
VGA ជាប់
សំរាប់ថ្មរបស់វាអាចប្រើបានប្រហែល 9-10 ម៉ោង
មានរន្ធ 4៖ 3 ជាUSB-C និង រន្ធដោតកាស 1។ អ្នកអាចបញ្ចូលថ្មតាម រន្ធUSB-C មួយ។

ដកស្រង់ចេញពីគេហទំព័រ​ pcworld

ជាងចុងក្រោយ laptop នេះសំរាប់តែការប្រើប្រាស់យកទៅតាមខ្លួន និង ងាយស្រួលសំរាប់អ្នកធ្វើការជំនួយ ធំៗ ដែលគេមិនចាំបាច់ត្រូវនឿយហត់នឹងយក កុំព្យូទ័រដែលធ្ងន់តាមខ្លួន។ សំរាប់អ្នកដែលចង់បាន កុំព្យូទ័រលេងហ្គេម អ្នកអាចទៅរកកុំព្យួទ័រដែលមានរៀងមាំជាងនេះបន្តិច ព្រោះកុំព្យូទ័រ នេះបើប្រើមិនប្រយ័ត្នអាច វៀច ឬ បាក់តែម្តង។