ថ្មីៗនេះក្រុមហ៊ុនតូយ៉ូតាបានប្រកាសដាក់លក់ និង បង្ហាញជាមួយរថយន្ត SUV Toyota Fortuner ជំនាន់ថ្មីឆ្នាំ 2016 សម្រាប់ទីផ្សារនៅអាស៊ី និង អូស្ត្រាលី។ សំរាប់ការវិវត្តជំនាន់ថ្មីនេះ Toyota Fortuner ឆ្នាំ 2016 បានការប្រែរូបរាងថ្មីទាំងស្រុងដោយផ្អែកលើកំណែរូបរាងថ្មីបំផុតរបស់រថយន្តភីកអាប់ Hilux Revo។ រថយន្ត SUV ជំនាន់ថ្មីរបស់ Toyota មួយនេះមានរូបរាងខាងក្រៅបែបលក្ខណៈរឹងមាំមោះមុទ និង ទាន់សម័យបែបកាច ដែលកន្លែងអង្គុយអាចផ្ទុកចំនួនមនុស្សបាន 7 នាក់។ សំរាប់រថយន្តជំនាន់ថ្មីមួយនេះបានបំពាក់មកជាមួយដោយម៉ាស៊ីន turbodiesel ដូចគ្នាជាមួយម៉ាស៊ីនដែលមានបំពាក់នៅក្នុងរថយន្ត Hilux Revo និង​ បានភ្ជាប់មកជាមួយនៅបច្ចែកវិទ្យាមានលក្ខណៈស្តង់ដាជាច្រើនដូចជា ប្រព័ន្ធបើកបរដោយកង់ទាំងបួន 4WD ល្បឿននិង បច្ចែកវិទ្យាកំណត់កំលាំងកង់ក្រោយដោយអេឡិចត្រូនិ។

TOYOTA FORTUNER មើលពីជំហៀងខាងមុខ

TOYOTA FORTUNER មើលពីជំហៀងខាងក្រោយ

លក្ខណៈទូទៅ ៖

Toyota Fortuner ឆ្នាំ 2016 គឺជាប្រភេទរថយន្ត ​​​​SUV ទ្វា 5 វាអាចផ្ទុកមនុស្សបានចំនួន 7 នាក់ គឺខាងមុខចំនួនពីរនាក់ ជួរទីពីរបានចំនួនតែបីនាក់ និង ជួរទីបីបានចំនួនពីរនាក់។ រថយន្តប្រភេទ SUV មួយនេះជាប្រភេទរថយន្តខ្ពស់ ដោយមានប្រវែងបណ្តោយប 4795 ម​.ម ប្រវែងទទឹង 1855 ម.ម និង កម្ពស់ប្រវែង 1835 ម.ម។ ហើយសំរាប់ឯចំង៉ាយកង់មុខ និង ក្រោយរបស់វាវិញមាន​ប្រវែង 2745 ម.ម។ សំរាប់ឯប្រភេទម៉ាស៊ីនវិញ Toyota Fortuner ផ្តល់ពីរជំរើសដល់អតិថិជន គឺប្រភេទម៉ាស៊ីន 4 turbo diesel ដែលប្រើប្រាស់ម៉ាស៊ូត មានទំហំស៊ីឡាំង 2.8L ដោយប្រើប្រាស់ប្រអប់លេខអូរតូ ឬ ប្រអប់លេខដៃ រី ឯចំរើសមួយទៀតនោះគឺ ប្រភេទម៉ាស៊ីន VVT-i ដែលមានមានទំហំស៊ីឡាំង 2.7L និង 2.4L។

ទំហំរបស់រថយន្ត Toyota Fortuner

ផ្នែកខាងក្នុងរបស់រថយន្ត Toyota Fortuner

ផ្នែកម៉ាស៊ីនរបស់រថយន្ត Toyota Fortuner

បច្ចែកវិទ្យាខាងក្រៅ និង ក្នុង ៖

សំរាប់បច្ចែកវិទ្យាខាងក្រៅ Toyota Fortuner ឆ្នាំ 2016 បានធ្វើការអភិវឌ្ឍន៍យ៉ាងច្រើនដូចការកែប្រែចង្គៀងមុខ និង ក្រោយថ្មីដែលមានភ្លើង LED ជាមួយនឹងភ្លើងខាងមុខសំរាប់ប្រើប្រាស់ពេលថ្ងៃ និង មានអង់តែនព្រុយត្រីឆ្លាមផងដែរ។  ម៉ូដែល Fortuner ទាំងអស់នឹងមានរង្វង់យ៉ាន់ស្ដង់ដារទំហំ 17 អ៊ីញជាមួយវ៉ារ្យ៉ង់ខ្ពស់ជាងមុននឹងឡើងដល់ 18 អ៊ីញ សំរាប់ប្រទេសថៃវិញមានរង្វង់យ៉ាន់ស្ដង់ដារទំហំ 18 អ៊ីញ ។

ចង្កៀងមុខ

ចង្កៀងក្រោយ

នេះគឺជារូបភាពបានមកពីគេហទំព័ររបស់ TOYOTA

នៅផ្នែកខាងក្នុងរបស់ Fortuner ឥឡូវនេះគឺកាន់តែប្រណិតជាងមុនទៅទៀតជាមួយនឹងបច្ចែកវិទ្យាសុវត្ថិភាព និង ផាសុខភាពថ្មីៗ និង ទំនើបៗជាច្រើន។ សំរាប់ពូកវិញគឺត្រូវបានដេដោយស្បែកល្អប្រណិត ជាមួយនឹងតាបឡូដែលធ្វើពីបន្ទះឈើ។ អ្វីដែលកាន់តែអស្ចារ្យនោះគឺក្រុមហ៊ុនបានបន្ថែមនូវប្រព័ន្ធស្មាតឃីទៅលើរថយន្ត SUV ម៉ូដែលឆ្នាំថ្មីមួយនេះ។ ក្រៅពីនេះនៅមានបច្ចែកវិទ្យាសុវត្ថិភាពមួយចំនួនទៀតដូចជាការបំពាក់ពោងសុវត្ថិភាពរហូតដល់ 7 គ្រាប់ ប្រព័ន្ធត្រួតពិនិត្យ និង គ្រប់គ្រងម៉ាស៊ីនត្រជាក់ទាំងខាងមុខ និង ខាងក្រោយ។ ជាមួយនឹងអេក្រង់ touch screen ដែលមានប្រព័ន្ធ infotainment  អាចឲ្យលោកអ្នកធ្វើការបញ្ជាទៅលើប្រពន្ធជំនួយហ្វ្រាំង និង ប្រពន្ធគ្រប់គ្រងការអូសទាញ និង ការត្រួតពិនិត្យស្ថិរភាពផ្លូវ ប្រព័ន្ធចំនួយការឡើងឬចុះចំណោត និង ប្រព័ន្ធកាមេរ៉ាខាងក្រោយផងដែរ។

សោរតេឡេរបស់ Toyota Fortuner

កុងតាក់បញ្ឆេះ

HUD

feed របស់កាមេរ៉ាក្រោយ

Display

កាមេរ៉ាក្រោយរបស់រថយន្ត

សំរាប់ផ្នែកបច្ចែកវិទ្យាផាសុខភាពវិញក្រុមហ៊ុន Toyota បានបន្ថែមដូចជាកៅអីកំដៅ និង ធុងរក្សារភេសជ្ជៈឲ្យត្រជាក់ កៅអីអាចបត់បែនបានងាយស្រួល ប្រព័ន្ធតភ្ជាប់ និង បញ្ចូលថ្មរជាមួយនឹងស្មាតហ្វូន និង ប្រព័ន្ធបញ្ជាបិទបើកទ្វាក្រោយជាដើម។

USB Port

កុងត្រូលរបស់ប្រពន្ធម៉ាស៊ីនត្រជាក់

ផ្នែកខាងក្នុងរបស់រថយន្ត

កៅអ៊ីខាងក្រោយអាចបត់បាន

ទ្វាខាងក្រោយរបស់រថយន្ត

បើតាមការបង្ហាញរបស់ក្រុមហ៊ុន Toyota សំរាប់ដំលៃវិញគឺចាប់ផ្តើមពី 34,000​ ដូល្លាអាមេរិចឡើងទៅ។