ថ្មីៗនេះមានការបែកធ្លាយរូបភាពរបស់ស្មាតហ្វូនមួយដែលគេបានអះអាងថា ជារូបភាពរបស់ Xiaomi Mi Note 2 នៅលើបណ្តាញអ៊ិនធឺណែត ។ អ្វីដែលគួរអោយកត់សំគាល់នោះគឺថា ការរចនា និងលក្ខណៈពិសេសរបស់វាគឺដូចនិងពាក្យចចាមអារាមពីមុនៗដែលគេធ្លាប់បានបង្ហាញដូចគ្នានេះដែរ ។
បើតាមរូបភាពខាងក្រោមនេះបញ្ជាក់ថា ឧបករណ៍នេះបំពាក់ដោយអេក្រង់កោង (curved display) ។ ហើយវាក៏ត្រូវបានគេនិយាយថានឹងមាន 2 ម៉ូដែលផងដែរ ដោយ 1 មាន resolution 1080p (1920×1080) FHD និង 1 ទៀតមាន resolution 1440p (2048 x 1080) QHD ។
ចំនែកឯរូបភាពមួយផ្សេងទៀតដែលបានបែកធ្លាយផងដែរនោះ (បានបង្ហាញខាងក្រោម) មើលទៅដូចជាស្មាតហ្វូនផ្លូវការមួយដែរ ដោយវាបង្ហាញនូវលក្ខណៈពិសេសមួយចំនួនដូចជា កាមេរ៉ាភ្លោះនៅផ្នែកខាងក្រោយ និងមានអេក្រង់ប្រភេទ OLED ទំហំ 5.5 អ៊ីញ, តួខ្លូនដែកទាំងអស់, RAM ទំហំ 6GB, អង្គផ្ទូកទិន្នន័យខាងក្នុង 128GB រួមនិងការបន្ថែមមេម៉ូរីកាតបាន និងបំពាក់បន្ទះឈីប Snapdragon 821 ទៀតផង ។
អ្វីដែលគួរអោយសោកស្តាយនោះគឺ មិនមានពត៌មានពីតម្លៃរបស់វានូវឡើយទេ ហើយការបញ្ចេញជាផ្លូវការក៏មិនទាន់ច្បាស់នៅពេលណាដែរ ។
