Range Rover Sport គឺជាម៉ូដែល SUV ប្រណិត ធុនកណ្តាលរបស់ Land Rover ដោយវាមានទំហំតូចជាង រថយន្ត Range Rover ធម្មតា តែធំជាងរថយន្ត Range Rover Evoque។ រថយន្តប្រភេទ SUV sport ដែលជា ជាផលិតផល របស់ប្រទេសអង់គ្លេសមួយនេះ ត្រូវបានគាំទ្រយ៉ាងខ្លាំងពីសំណាក់អ្នកប្រើប្រាស់រថយន្ត ជាពិសេសសំរាប់អ្នកដែលស្ថិតនៅវ័យកណ្តាល មិនថានៅទីផ្សារអឺរ៉ុប ឬកម្ពុជាយើងនោះទេ។
Range Rover Sport ជំនាន់ទី 1 ត្រូវបានចាប់ផ្តើមដាក់លក់ នៅលើទៅផ្សារលើកដំបូងនៅក្នុងឆ្នាំ 2005 រហូតដល់ម៉ូដែល ឆ្នាំ 2010 វាត្រូវបានគេធ្វើការរចនាម៉ូដបន្ថែម ទៅលើចំណុចខ្លះៗដូចជា ស្តុបមុខក្រោយ សំណាញ់ កាង នៅត្រង់បរិវេណខាងក្នុងរបស់រថយន្ត និងបានបន្ថែមនូវបច្ចេកវិទ្យាពិសេសៗមួយចំនួនទៀតផងដែរ។ សំរាប់ម៉ូដែលជំនាន់ថ្មី ដែលជាជំនាន់ទី 2 នៃ Range Rover Sport ត្រូវបានគេចាប់ផ្តើមដាក់បង្ហាញនៅក្នុងឆ្នាំ 2013 ដោយវាត្រូវបានគេកែប្រែការរចនាម៉ូដ ទាំងស្រុង ទៅលើរូបរាង ខាងក្រៅ និងខាងក្នុង ជាមួយនឹងការអភិវឌ្ឍន៍នូវ បច្ចេកវិទ្យាទំនើបៗជាច្រើនសន្ធឹកផងដែរ។ វាត្រូវបានគេបែងចែកជា ច្រើនប្រភេទទៀត ទៅតាមប្រភេទម៉ាស៊ីន សាំង ម៉ាស៊ូត និងប្រភេទហាយប្រ៊ីត ជាមួយនឹងទំហំម៉ាស៊ីន ផ្សេងៗគ្នាផងដែរ។
ខាងក្រោមនេះ គឺជារថយន្ត Range Rover Sport ជំនាន់ទី 2 ដែលដំណើរការដោយ ប្រភេទម៉ាស៊ីនម៉ាស៊ូត turbo diesel V6 ដោយមានទំហំស៊ីលាំង 3.0 និងកំលាំង 255 សេះ។
រូបរៀងខាងក្រៅ
រូបរាងខាងក្នុង
រូបភាព 360°
Editor Note
រូបភាព នៅក្នុងអត្ថបទនេះបានចូលរួមសហការជាមួយឃ្លាំងឡាន សោម ច័ន្ទថា លេខ 568 ដែលមាន ទំព័រ Facebook នៅ ទីនេះ