ពាក្យចចាមអារាមចុងក្រោយបំផុតអំពីលក្ខណៈពិសេសរបស់ iPhone 7 Plus ដែលទទួលបានពី គេហទំព័រ Weibo របស់ប្រទេសចិន គឺថា phablet ដែលមានអេក្រង់ទំហំ 5.5 អ៊ីញ នេះនឹងបំពាក់ RAM 3GB រីឯ iPhone 7 គឺមិនតំឡើងទំហំល្បឿន RAM នោះទេគឺទំហំ 2GB ដដែល ។
ភាពខុសគ្នាមួយទៀតរវាង ម៉ូដែលទាំងពីរនេះគឺ អង្គផ្ទូកទិន្នន័យ។ iPhone 7 និងមានទំហំចាប់ពី 16GB/64GB/128GB ចំនែកឯ Phone 7 Plus និងមានទំហំចាប់ពី 32GB/128GB/256GB នៃអង្គផ្ទូកទិន្នន័យក្នុងម៉ាស៊ីន ។ បើតាមពត៌មានលេចឮបានអោយដឹងថា វាអាចនឹងមានកាមេរ៉ាក្រោយទំហំ 21MP នេះបើធៀបទៅទូរស័ព្ទជំនាន់មុន iPhone 6s ដែលមានត្រឹមតែ 12MP តែប៉ុណ្ណោះ។
អ្វីដែលគេគត់សំគាល់នៅលើ iPhone ជំនាន់ថ្មីនេះគឺ ថាមពលថ្ម ។ តើ Apple និងបំពាក់តំណភ្ជាប់ Type-C USB ឬទេ? ដូចដែលយើងបានឃើញហើយ Apple នៅតែមិនបោះបង់តំណភ្ជាប់ Lightning ឡើយ ជាពិសេសបើ រន្ធដោតកាស 3.5mm ត្រូវបានលុបបំបាត់ នោះគឺជាអ្វីដែលគេបានរំពឹងទុក ។ ការប្តូរមកដាក់ Type-C USB នេះនិងធ្វើអោយឧបករណ៍នេះសាកថ្មបានរហ័សមែនទែន។ រូបភាពខាងលើនេះ អ្នកទាំងអស់គ្នាបានឃើញហើយថា ជារូបភាពបែកធ្លាយនៃកាសជាមួយក្បាលដោត Lightning ។
គេហទំព័រ Weibo ក៏បាននិយាយទៀតថា ក្រុមហ៊ុន Apple មានគម្រោងលើការបង្កើន ប្រព័ន្ធ Wi-Fi អោយល្អប្រសើរជាងមុន នៅលើម៉ូដែលទូរស័ព្ទ iPhone នៅឆ្នាំនេះ ដូច្នេះទូរស័ព្ទនេះអាចផ្តល់សេវាអ៊ីនធឺណិតកាន់តែលឿន និង ការបន្តផ្ទាយវីដេអូកំរឹត 4K ។ ហើយការសាកថ្ម ឥតខ្សែ ក៏ត្រូវបានរាប់បញ្ចូលផងដែរនៅក្នុងស្មាតហ្វូននេះ។
តើអ្នកយល់យ៉ាងណាចំពោះម៉ូដែលថ្មីរបស់ Apple មួយនេះ?
