ក្រុមហ៊ុន Apple ទើបតែបានប្រកាសទូរស័ព្ទ iPhone SE ជាមួយនឹងអេក្រង់ 4 អ៊ីញ ហើយទូរស័ព្ទនេះមានលក្ខណៈពិសេសនិងរូបរាងស្ទើរតែដូចគ្នាទៅនឹងទូរស័ព្ទ iPhone 5 និង 5S ទៅហើយ ប៉ុន្តែវាបំពាក់បន្ទះឈីបជំនាន់ចុងក្រោយបំផុតរបស់ក្រុមហ៊ុន Apple A9 ប្រភេទ dual-core ល្បឿន 1.85 GHz និងក្រាហ្វិកប្រភេទ PowerVR GT7600 ដែលមាន 6 core ។ ជាមួយនឹងអេក្រង់ 4 អ៊ីញ នេះមាន resolution 1136×640 ភិចសែលដែលមានកំរឹត pixel ដល់ទៅ 326 ppi ឯណោះ។ទូរស័ព្ទ iPhone SE នេះក៏មានមុខងារ Retina Flash ដែលធ្វើឱ្យ អេក្រង់លោតភ្លឺបីដងពេលដែលអ្នកថត selfie ប៉ុន្តែអ្វីដែលសោកស្តាយនោះគឺបច្ចេកវិទ្យា 3D touch មិនមានសម្រាប់ទូរស័ព្ទនេះឡើយ។ រីឯកាមេរ៉ាប្រភេទ iSight ទំហំ 12MP ដូចគ្នាទៅនឹងខ្សែស្រឡាយ iPhone 6s និង 6s Plus របស់ខ្លូនដែរ មិនតែប៉ុណ្ណោះវាក៏អាចថតវីដេអូកំរឹត 4K បានផងដែរ។ វាមាន 4 ពណ៌ដូចជា ពណ៌មាស ពណ៌សរទឹកប្រាក់ ពណ៌ប្រផេះក្រម៉ៅ និងពណ៌មាសផ្កាឈូក។
Apple iPad Pro នេះគឺមានអេក្រង់ទំហំ 9.7 អ៊ីញ ហើយជា iPad ដំបូងបំផុតដែលមិនធ្លាប់បានបញ្ចេញ។ iPad Pro ថ្មីនេះក៏ដំណើរការដោយបន្ទះឈីប A9X ដូចគ្នានិង iPad Pro អេក្រង់ 12.9 អ៊ីញ ដែរហើយវាបំពាក់ CPU dual-core ដែលមាន RAM ទំហំ 4GB ។ iPad Pro ស៊េរីថ្មីនេះបាននាំយកអេក្រង់ថ្មីមួយឈ្មោះថា True-Tone ដែលធ្វើអោយអេក្រង់ថ្មីនេះប្តូរពណ៌តាមសីតុណ្ហភាពពណ៌ដែលនៅជុំវិញខ្លួនយើង។ វាមាន resolution 2048 x 2732 pixel និងមកជាមួយប្រព័ន្ធដំណើរការ iOS 9.3 រួចជាស្រាច។ បើនិយាយពីកាមេរ៉ា វាបានធ្វើកំនែថ្មីសម្រាប់ iPad Pro នេះដែលកាមេរ៉ាក្រោយមានទំហំ 12MP និងកាមេរ៉ាមុខទំហំ 5MP ហើយក៏មានមុខងារ Retina Flash ដែរ មិនតែប៉ុណ្ណោះតួខ្លួនរបស់វា អាលុយមីញ៉ូម និងមាន speaker 4 ហើយអាចប្រើប្រាស់ជាមួយ Apple Pencil ដូចទៅនិង iPad Pro ជំនាន់មុនអញ្ចឹង។ វាមាន 4 ពណ៌ដូចជា ពណ៌មាស ពណ៌សរទឹកប្រាក់ ពណ៌ប្រផេះក្រម៉ៅ និងពណ៌មាសផ្កាឈូក។
ចំនែកឯតំលៃរបស់ iPhone SE វិញចាប់ពី 399$ សំរាប់ទំហំ 16GB , 499$ សំរាប់ទំហំ 64GB និង New iPad Pro (Wi-Fi) មានជម្រើសអង្គផ្ទុកទិន្នន័យ 3 គឺទំហំ 32GB=599$ , 128GB=749$ , 256GB=899$ ហើយការបញ្ជាទិញមុនផ្តើមពីថ្ងៃទី 24 ខែមីនា ការលក់នឹងចាប់ផ្តើមនៅថ្ងៃទី 31 ខែមីនានេះ។