តើវាជាពាក្យចចាមអារាម ឬ ដែលថាក្រុមហ៊ុន Sony ទើបតែបានបញ្ជាក់ថាក្រុមហ៊ុន Apple បានប្រើប្រាស់ dual cameras នៅលើ Apple iPhone 7 Plus របស់ពួកគេ ? ក្រុមហ៊ុន Apple កំពុងតែ ប្រើប្រាស់បច្ចេកវិទ្យារបស់ក្រុមហ៊ុន Sony សម្រាប់កាមេរ៉ា iSight របស់ខ្លួន។ សព្វថ្ងៃនេះក្រុមហ៊ុនអេឡិចត្រូនិចយក្សរបស់ជប៉ុនបាននិយាយថា មានក្រុមហ៊ុនផលិតស្មាតហ្វូនធំៗជាច្រើនដែលនឹងត្រូវប្រើប្រាស់កម្មវិធីបច្ចេកវិទ្យា dual-lens របស់ខ្លួននៅឆ្នាំក្រោយ ។ ប្រធាននាយកប្រតិបត្តិហិរញ្ញវត្ថុ លោក Kenichiro Yoshida នៃ ក្រុមហ៊ុន Sony បានធ្វើសេចក្តីថ្លែងការណ៍នេះ ដោយបន្ថែមថាតម្រូវការសម្រាប់បច្ចេកវិទ្យា Dual- lens អាចនឹងត្រូវបានរងផលប៉ះពាល់ផល់អវិជ្ជមានដោយសារការធ្លាក់ចុះនៅឆ្នាំ 2016 នៅក្នុងទីផ្សារស្មាតហ្វូន ។

ដោយមានមន្ទិល Yoshida បាននិយាយថាវាអាចនឹងមិនមានរហូតដល់ឆ្នាំ 2017 មុនពេលដែលប្រព័ន្ធកាមេរ៉ាខាងក្រោយមានបំពាក់ dual- lens ចាប់ផ្តើម លេចឡើងនៅលើស្មាតហ្វូន ។ តែសំរាប់អ្នកវិភាគរបស់ក្រុមហ៊ុន KGI Securities លោក Ming -Chi Kuo មានប្រសាសន៏ថ្មីៗនេះថា កញ្ចក់កាមេរ៉ាទីពីរដែលបំពាក់នៅខាងក្រោយនៃទូរស័ព្ទ iPhone 7 Plus នឹងត្រូវបានប្រើសម្រាប់ Optical Zoom។

នាពេលកន្លងមកនេះក្រុមហ៊ុន Apple ក៏ធ្លាប់មានប្រវត្តិ និង ស្នាដៃក្នុងការបន្ថែមលក្ខណៈពិសេសៗ ទៅលើកាមេរ៉ាខាងក្រោយរបស់ទូរស័ព្ទម៉ូដែល  iPhone Plus របស់ពួកគេផងដែល។ ឧទាហរណ៍ដូចជាកាមេរ៉ាខាងក្រោយរបស់ iPhone 6 នឹង iPhone 6s Plus ដែលសុទ្ធតែមានប្រើប្រាស់នូវបច្ចេកវិទ្យារក្សារលំនឹងការថតរូបដោយប្រើប្រាស់កញ្ចក់កែវ Optical Imaging Stabilization ដែលវាជាបច្ចេកវិទ្យាមួយអាចជួយសំរួលឲ្យរូបភាព និង វីដេអូរបស់យើងមិនឲ្យរងផល់ប៉ះពាល់ពីការគ្មានលំនឹងរបស់យើងនៅក្នុងពេលថតរូប ឬ វីដេអូ។