ប៉ុន្មានសប្តាហ៍មុនពួកយើងបានសរសេរអំពី កាមេរ៉ាដែល Selfie បានល្អដែលមានតំលៃថោក វាល្អសំរាប់អ្នកដែលមានទូរស័ព្ទទំនើបហើយ ប៉ុន្តែអ្នកដែលមិនទាន់មានទូរស័ព្ទថ្មី ឬ កំពុងចង់បានទូរស័ព្ទដែលល្អហើយមានកាមេរ៉ាដែលអាចថតបានល្អ។ ខាងក្រោមនេះគឺជាទូរស័ព្ទដែល មានគុណភាពល្អ ហើយអាចថតរូប Selfie បានល្អទៀតផង ក្នុងដើមឆ្នាំ 2016 នេះ។
HTC Desire Eye
ទូរស័ព្ទម៉ាក HTC មួយប្រភេទនេះបានចេញលក់ជាសាធារណៈ នៅខែវិច្ឆិុកា ឆ្នាំ 2014 វាជាទូរស័ព្ទដែលសេរីរាងចាស់បន្តិច តែអ្វីដែលវាមាននៅខាងក្នុង គឺល្អជាទីបំផុត។ វាមាននូវទំហំ 15cm x 7cm និងមានកំរាស់ 8mm ធំជាងiphone 6 ប្រើប្រាស់ Nano-Sim។ វាជាទូរស័ព្ទមួយអាចដាក់ចូលក្នុងទឹកបានដែលមិនចូលទឹក ដូច្នេះលោកអ្នកអាច ប្រើវាសំរាប់ថតក្នុងទឹកក៏បាន។
វាប្រើប្រព័ន្ធ Android អាច upgrade ដល់ lollipop version 5.0។ អេក្រង់វាមានទំហំ 5.2 inch និងមាន 16លានពណ៌ ដូច្នេះរូបដែលអ្នកថតបាននិងបញ្ចាំងនៅលើអេក្រង់ដែលល្អនេះ touchscreen ក៏លឿន។ Memory អាចបន្ថែមដាក់បានដល់ទៅ 128GB អាចផ្ទុករូបភាពបានច្រើន។ សំខាន់បំផុត កាមេរ៉ាទាំងពីរ គឺ 13MP អាចថតបាន HDR និង ថតវីដេអូ បាន 1080p 30fps។ អ្នកអាចប្រើកម្មវិធីកាមេរ៉ារបស់វាផ្ទាល់តែម្តងមិនបាច់ទាញយកកម្មវិធីផ្សេងទៀតទេ។ ចំនុចផ្សេងៗទៀតគឺដូចទូរស័ព្ទផ្សេងទៀត។
iPhone 6S
Apple ជាក្រុមហ៊ុនដែលទទួលស្គាល់ច្រើនជាងគេបំផុត ហើយ iPhone 6S បានចេញនៅ ខែកញ្ញា ឆ្នាំ 2015។ វាជាទូរស័ព្ទដែលសេរីចុងក្រោយគេបំផុតរបស់ Apple វាមានទំហំ 13.8cm x 6.7cm មានអេក្រង់ទំហំ 4.7inch 16លានពណ៌ និង កំរាស់ 7mm។ ការ touchscreen របស់វាគឺល្អបំផុតប្រៀបធៀបទៅជាមួយទូរស័ព្ទដ៏ទៃ។ វាប្រើប្រាស់ប្រព័ន្ធ iOs 9 របស់ Apple ផ្ទាល់ និងមិនអាចបន្ថែម Memory បានទេ។ ចំណែកឯ កាមេរ៉ា វិញ 12MP នៅខាងមុខ និង 5MP នៅខាងក្រោយ វាមិនអាចប្រៀបនឹង HTC បានទេចំពោះ Selfie ប៉ុន្តែការចាប់រូបភាពរបស់វាច្បាស់ គ្មានការព្រិល ឬ គ្មានអុចៗ គឺថាច្បាស់ល្អ។ ចំណែកឯវីដេអូវិញ គឺ កាមេរ៉ាខាងមុខអាចថតបាន 1080p 30fps ចំពោះអ្នកចូលចិត្តធ្វើវីដេអូ របៀបកំប្លែងៗថតដោយខ្លួនឯង។ អ្នកអាចទាញយកកម្មវិធីសំរាប់ធ្វើការកែប្រែរូបបន្ថែមទៀតក៏បាន។
Samsung Galaxy S6
samsung Galaxy S6 ជាទូរស័ព្ទតូចច្រលឹងមួយដែលគេបាននិយាយថា វាមិនដូចជំនាន់មុនៗរបស់វាទេ វាជាទូរស័ព្ទមួយនៃ Galaxy S series ដែលថេរល្បឿន។ វាបានចេញលក់ជាផ្លូវការនៅខែ 4 ឆ្នាំ 2015។ វាមានទំហំ 14cm x 7cm និង កំរាស់ 6mm ប្រហាក់ប្រហែលនឹង iPhone និង ទំហំអេក្រង់ 5.1inch 16លានពណ៌ អេក្រង់ touchscreen របស់វា គឺល្អជាងជំនាន់ចាស់ៗ។ វាប្រើប្រាស់ប្រព័ន្ធ Android lollipop v5.1.1។
ចំណែកឯកាមេរ៉ាវិញ ខាងមុខ គឺ 5MP និង ខាងក្រោយគឺ 16MP។ ការថតវីដេអូរបៀបselfie ទទួលបាន 1440p 30fps។ អ្នកអាចទាញយកកម្មវិធីសំរាប់ធ្វើការកែប្រែរូបបន្ថែមទៀតក៏បាន។
Sony Xperia C4
Sony ក្រុមហ៊ុនដែលល្អផ្នែក ទូរស័ព្ទ និង កាមេរ៉ា ដូចនេះហើយ ការផលិតទូរស័ព្ទដែលបំពាក់កាមេរ៉ាល្អ ក៏គួរតែមានដែរ។ Sony Xperia C4 ជាទូរស័ព្ទគេហៅម្យ៉ាងទៀតថា Selfie phone ដែលចេញលក់នៅ ខែមិថុនា ឆ្នាំ 2015។ វាមានទំហំ 15cm x 8cm និង កំរាស់ 8mm មានអេក្រង់ 5.5inch អាចចុចបានរហូតដល់ទៅ 10ម្រាម ។ អាចដាក់បាននូវmemory ខាងក្រៅរហូតដល់ទៅ 128GB។
លក្ខណៈពិសេសនៃកាមេរ៉ាវាគឺ វាមានFlash ទាំងមុខទាំងក្រោយ។ កាមេរ៉ា ខាងមុខ 5MP ខាងក្រោយ 13MP អាចថតវីដេអូខាងមុខ បាន 720p 30fps។
Xiaomi Mi4i
ទូរស័ព្ទដែលគេទទួលស្គាល់ថា ធ្វើចេញពីក្រុមហ៊ុនដែលមិនសូវល្បីឈ្មោះ ប៉ុន្តែ ធ្វើការដូច ទូរស័ព្ទល្បីៗ។ Xiaomi Mi4i ជាទូរស័ព្ទដែលក្រុមហ៊ុន Xiaomi បានចេញលក់នៅខែ មេសា ឆ្នាំ 2015 ។ វាមានទំហំ 14cm x 7cm មានកំរាស់ 8mm ទំហំអេក្រង់ 5.0 inch ដំនើរការដោយប្រព័ន្ធ android lollipop។ សំរាប់ទូរស័ព្ទដែលប្រើដោយ android ទាំងអស់ សុទ្ធតែមាន រន្ធដាក់ memory ប៉ុន្តែ xiaomi mi4i នេះមិនមានរន្ធ memory ទេ អ្នកអាចមានជំរើស 16GB/32GB។
ចំពោះកាមេរ៉ា គឺ ខាងមុខ 5MP និង ខាងក្រោយ 13MP។ មិនសូវច្បាស់ចំពោះវាទេ ប៉ុន្តែការដែលវាថត selfie ចេញមកគឺល្អរបស់វាមែន។ សូមមើលរូបខាងក្រោម។