preview | KhmerLife.style

1 3700

សួនទឹកកំសាន្តថ្មីដ៏ធំ ដែលមានឈ្មោះថា Grand Phnom Penh Water Park នឹងចាប់ផ្តើមបើកបំរើនៅក្នុងពេលឆាប់ៗនេះ

28/02/2016

សំរាប់ពេលកន្លងមកនេះប្រិយមិត្តទាំងអស់គ្នាប្រហែលជាធ្លាប់បានស្គាល់ និង ទៅលេងកំសាន្តនៅសួនទឹកមួយចំនួននៅរាជធានីភ្នំពេញរួចមកហើយ។ តែក្នុងមួយរយៈកន្លងមកនេះក៏មានសួនទឹកកំសាន្តមួយចំនួនត្រូវបានផ្អាកផងដែរ ដូចជាសួនទឹកកំសាន្តភ្នំពេញវ៉តធើផាកជាដើម។ តែទោះបីជាយ៉ាងណាក្តីក៏ការអភិវឌ្ឍន៍ និង ការបង្កើតតំបន់សួនទឹកកំសាន្តសំរាប់ប្រទេសកម្ពុជាយើងគឺមិនត្រូវបានបាត់បង់នោះទេ ពោលនៅពេលដែលកន្លែងកំសាន្តចាស់ត្រូវបានផ្អាក យើងក៏សង្កេតឃើញមានកន្លែងកំសាន្តថ្មីកំពុងតែចាប់ផ្តើមផងដែរ ហើយអ្វីដែលសំខាន់នោះគឺកន្លែងកំសាន្តថ្មីនោះគឺមានលក្ខណៈធំ និង រឹតតែអស្ចារ្យជាងមុន។

នាពេលថ្មីៗនេះបើតាមប្រភពទំព័រ Facebook របស់សួនទឹកកំសាន្ត Grand Phnom Penh Water Park បានបង្ហោះ និង ផ្តល់ពត៌មានជាច្រើនអំពីការកំពុងសាងសង់របស់សួនទឹកកំសាន្តថ្មីមួយនេះ។

សួនទឹកកំសាន្ត Grand Phnom Penh Water Park នឹងក្លាយទៅជាសួនទឹកកំសាន្តថ្មី និង ដ៏ធំបំផុតនៅក្នុងរាជធានីភ្នំពេញ។ ហើយទីកន្លែងកំសាន្តថ្មីនេះគឺបានសាងសង់ឡើងនៅលើផ្ទៃដីដ៏ធំចំនួនជាងមួយហិចតា ដែលមានទីតាំងនៅទីក្រុងរណប ហ្គ្រេន ភ្នំពេញ ស្ថិតនៅតាមបណ្តោយផ្លូវលេខ 598 ភូមិឃ្មួញ សង្កាត់ឃ្មួញ ខ័ណ្ឌសែនសុខ រាជធានីភ្នំពេញ។ ក្រៅពីនេះ ប្រភពទំព័រ Facebook ដដែលនោះក៏បានប្រាប់អំពីថ្ងៃបើកសាកល្បងផងដែរ គឺចាប់ពីថ្ងៃទី 28 ខែមីនា ដល់ថ្ងៃទី 4 ខែមេសា ឆ្នាំ 2016 ហើយនិងចាប់បើកជាផ្លូវការនៅថ្ងៃទី 10 ខែមេសា ឆ្នាំ 2016 នេះតទៅ។

អានបន្ត

Like 1040

កាមេរ៉ា Nikon D5 និង D500 ដែលទើបនឹងចេញ

បច្ចេកវិទ្យា

06/01/2016

Nikon គឺជាក្រុមហ៊ុនមួយលំដាប់ថ្នាក់អន្តរជាតិដែលគ្រប់ៗគ្នាបានទទួលស្គាល់ បន្ទាប់ពីបានចេញនូវកាមេរ៉ាដែលទទួលបានជោគជ័យជាច្រើន ឥឡូវនេះ ក្រុមហ៊ុនដ៏ធំមួយនេះបានបញ្ចេញនូវកាមេរ៉ា ថ្មី 2គ្រឿងដែលជាជំនាន់ក្រោយរបស់កាមេរ៉ាចាស់ៗ D500 ជំនាន់ក្រោយរបស់ D300s និង D5 ជំនាន់ក្រោយរបស់ D4។ ជាលើកទី 2 ហើយដែល Nikon បានបញ្ចេញនូវកាមេរ៉ាដែលមានទំនាក់ទំនងជាមួយនឹងគ្នា លើកទី 1 គឺ D3 ជាមួយនិង D300។ ដោយសារតែ Nikon គ្រាន់តែចេញអំពី ពត៌មាន អំពី កាមេរ៉ាពីរនេះទេ ដូច្នេះពួកយើងគ្រាន់តែ និយាយបន្តិចបន្តួចចំពោះកាមេរ៉ានេះតែប៉ុណ្ណោះ។

all in one

Nikon D5

ការប្រកាសជាសាធារណៈគឺធ្វើឡើងនៅប្រទេសជប៉ុន ទីក្រុង តូក្យូ។ Nikon បាននិយាយថា nikon D5 គឺជាកាមេរ៉ាមួយ ដែលអាចយកឈ្នះគ្រប់កាមេរ៉ាដែលជា DSLR Fx ដូចគ្នា ដែលគ្មានកាមេរ៉ាណាអាចប្រៀបប្រដូចបាន ជាពិសេសល្បឿននៃការថត និង អ្វីផ្សេងទៀត។ មិនត្រឹមតែការថតរូបទេ ទស្សនិកជនដែលបានទៅមើលផ្ទាល់ រិតតែមានអារម្មណ៍ ភ្ញាក់ផ្អើលនៅពេលដែលឃើញ Nikon បានដាក់ ការថតវីដេអូ 4K ចូលក្នុងកាមេរ៉ា របស់គេ វាមិនមែនជារឿងងាយទេដែលក្រុមហ៊ុនមួយ វិនិយោគតែផ្នែកថតរូប ឥឡូវចាប់ផ្តើមបន្ថែមនូវ ការថតវីដេអូថែមទៀត។

Nikon D5 មាននូវលក្ខណៈថ្មីៗមួយចំនួន ដូចជា វាមាន៖

Sensor Fx 35.9 x 23.9 mm CMOS
20.8 megapixel
iso: 100-102400 អាចដំឡើងដល់ 3280000
Dynamic range -3 ដល់ 20EV
Autofocus ចំនួន 153
12 fps ( 14 fps នៅពេលដែល mirror lock)
អេក្រង់ touchscreen តែមិនអាចបង្វិលបាន គឺនៅជាប់ពីក្រោយ កាមេរ៉ាតែម្តង
ថតរូបភាពបានទំហំ 5568 x 3712 (L), 4176 x 2784 (M), 2784 x 1856 (S) គិតជា pixel
ថតវីដេអូបាន ទំហំ
- 3840 x 2160 (4K UHD) 30p, 25p, 24p
- 1920 x 1080; 60p, 50p, 30p, 25p, 24p (60p អាចធ្វើេវីដេអូ Slow motion បាន )
- 1280 x 720; 60p, 50p
សាកថ្មម្តងអាចថតបាន3780រូប
ប្រើ memory XQD ឬ CF បានទាំង2

Nikon D500

ចាប់តាំងពីឆ្នាំ 2009 ដែល D300s បានចេញមក ដែលជា professional dx កាមេរ៉ា. អ្នកដែលរងចាំនូវ ជំនាន់ក្រោយរបស់វា ក្នុងរយៈពេល 7ឆ្នាំនេះ អ្នកខ្លះនៅរងចាំនៅឡើយដូចជារូបខ្ញុំ អ្នកខ្លះទៀតបានទិញ D7200 ឬ ឡើងសេរីទៅប្រើ Fx វិញ។ ដូច្នេះចំពោះអ្នកដែលចាំ ទីបំផុតវាមកដល់ហើយ D500 ដែលជាជំនាន់ក្រោយរបស់ D300s ដែលជា Professional Dx line។ តើវាមានអ្វីខ្លះដែលអាចទទួលបានឈ្មោះថា professional, ដោយសារតែអ្វីៗដែលវាមានប្រហាក់ប្រហែល នឹង Nikon D5 ដែលបាននិយាយខាងលើ គ្រាន់តែវាតូច និងស្រួលយកតាមខ្លួន ស្រាលជាងពួកកាមេរ៉ា Fx។ សូមមើលខាងក្រោម៖

Sensor Dx 23.5 x 15.7 mm CMOS sensor តូចជាង Nikon D5
20.8 megapixel
iso: 100-51200 អាចដំឡើងដល់ 164000
Dynamic range -3 ដល់ 20EV
Autofocus ចំនួន 153
10 fps
អេក្រង់ touchscreen តែអាចបង្វិលបាន ដូច Nikon D750
ថតរូបភាពបានទំហំ 5568 x 3712 [L], 4176 x 2784 [M], 2784 x 1856 [S]
ថតវីដេអូបាន ទំហំ
- 3840 x 2160 (4K UHD) 30p, 25p, 24p
- 1920 x 1080; 60p, 50p, 30p, 25p, 24p (60p អាចធ្វើេវីដេអូ Slow motion បាន )
- 1280 x 720; 60p, 50p
មាន wifi និង bluetooth ភ្ជាប់ជាមួយក្នុងម៉ាស៊ីនតែម្តង ( Snapbridge )

អានបន្ត

Like 1096

ទូរស័ព្ទ Blackberry Priv ថ្មីដំបូងបង្អស់របស់ក្រុមហ៊ុន Blackberry ដែលប្រើប្រព័ន្ធដំណើរការ Android

បច្ចេកវិទ្យា

09/11/2015

ឥឡូវនេះយើងឃើញមានទូរស័ព្ទស៊េរីថ្មីជាច្រើនដែលមាន touchscreen ក៏ប៉ុន្តែតើអ្នកមានអារម្មណ៍ថានឹកប៊ូតុងទូរស័ព្ទដែលអ្នកអាចចុចបានផ្ទាល់ដូចជាទូរស័ព្ទស៊េរីមុនៗឬទេ? បើសិនជាអ្នកនឹកវាមែន នោះទូរស័ព្ទម៉ូដែល Blackberry Priv ថ្មីរបស់ក្រុមហ៊ុន Blackberry គឺជាទូរស័ព្ទដែលអ្នកស្វែងរក និងគួរតែសាកល្បង។

ទូរស័ព្ទ Blackberry Priv

Blackberry Priv គឺជាទូរស័ព្ទថ្មីរបស់ក្រុមហ៊ុន Blackberry ដំបូងបង្អស់ ដែលប្រើប្រព័ន្ធដំណើរការ Android និងដែលអាច slide ឡើងលើពាក់កណ្ដាលបានដើម្បីអាចប្រើប៊ូតុងចុចរបស់វា។ បន្ថែមពីនេះផងដែរ លក្ខណៈពិសេសរបស់ Blackberry Priv នេះ គឺវាអាចរក្សាសុវត្ថិភាពរពត៌មានផ្ទាល់ខ្លួនរបស់អ្នកបានយ៉ាងល្អជាមួយនឹងកម្មវិធី DTEK ហេតុនេះហើយទើបម៉ូដែលនេះមានឈ្មោះថា Blackberry Priv ដែល Priv គឺជាពាក្យកាត់របស់ Privacy។ ខាងក្រោមនេះ គឺជាលក្ខណៈពិសេសៗ និងការឌីហ្សាញរបស់ Blackberry Priv។

ការឌីហ្សាញរបស់ Blackberry Priv

Blackberry Priv ត្រូវបានឌីហ្សាញដោយប្រើបច្ចេកវិទ្យាដូចទូរស័ព្ទ smartphone ថ្មីៗផ្សេងៗដែរ ហើយមានកម្រាស់ស្ដើងដែលមានកម្រាស់ត្រឹមតែ 9.4 mm (មីលីម៉ែត្រ) និងមានទម្ងន់ 192g (ក្រាម) ប៉ុណ្ណោះ។ វាមានអេក្រង់ touchscreen កោងដែលប្រើបច្ចេកវិទ្យាអេក្រង់ស្រដៀងនឹង Samsung Galaxy S6 Edge+ ដែរ ហើយវាមានទំហំ 5.4 អ៊ីញ ដែលមានផ្ទុកចំនួនភិចស៊ែលសរុប 3686400 ភិចស៊ែល (2560 x 1440 resolution) ត្រូវនឹង 540 ភិចស៊ែលក្នុងមួយអ៊ីញ។

ពិសេសជាងនេះទៀតនោះ ជាមួយនឹងបច្ចេកវិទ្យា SmartSlide អ្នកអាចទាញអេក្រង់របស់វាឡើងលើពាក់កណ្ដាលបានដើម្បីអាចប្រើនូវប៊ូតុងចុចដែលមាន ៤ ជួរ។

កាមេរ៉ា

Blackberry Priv មានកាមេរ៉ាក្រោយដែលមានទំហំ 18-megapixel (ម៉េហ្គាភិចស៊ែល) ដែលអាចថតវីដេអូ 4K @ 30fps និង 1080p HD @ 60fps បាន។ ហើយជាមួយនឹងបច្ចេកវិទ្យា Optical Image Stabilization (OIS) អ្នកអាចថតវីដេអូបានយ៉ាងរលូនល្អមិនរង្គើខ្លាំង។ រីឯកាមេរ៉ាមុខវិញ វាមានទំហំ 2-megapixel អាចថតវីដេអូបានទំហំ 720p HD និងអាចថត selfie ជា panorama បាន (Wide Selfie Mode)។

ការដំណើរការរបស់ Blackberry Priv

Blackberry Priv ប្រើប្រព័ន្ធដំណើរការ Android ហើយវាមានដំណើរការលើ CPU Qualcomm 8992 Snapdragon 808 Hexa-Core, 64 bit និង Adreno 418, 600MHz GPU ជាមួយនឹង 3 GB RAM។ វាមានទំហំផ្ទុកក្នុងទូរស័ព្ទដល់ទៅ 32GB ហើយអ្នកអាចបន្ថែមទំហំនៃការផ្ទុករបស់វាបានជាមួយនឹង MicroSD Card ដែលអាចមានទំហំដល់ទៅ 2 TB ឯនោះ។

ថ្មរបស់ Blackberry Priv មានភ្ជាប់មកជាមួយថ្ម 3410mAh តែអ្នកមិនអាចដោះវាចេញបានទេ។ ថ្មរបស់ទូរស័ព្ទនេះអាចកាន់បានដល់ទៅ 22.5 ម៉ោងក្នុងការប្រើប្រាស់ធម្មតា, 23.9 ម៉ោងបើនិយាយសុទ្ធ, 72.7 ម៉ោងបើស្ដាប់ចម្រៀងសុទ្ធ, និង 10.2 ម៉ោងបើមើលវីដេអូ។

ដូច្នេះ បើអ្នកចង់ប្រើទូរស័ព្ទ smartphone ដែលមានប៊ូតុងអាចចុចបាន ដូចជាទូរស័ព្ទស៊េរីមុនតែមានការឌីហ្សាញ និងការដំណើរការដូចទូរស័ព្ទស៊េរីឥឡូវ ហើយប្រើប្រព័ន្ធដំណើរការ Android និងអាចថែរក្សារនូវសុវត្ថិភាពពត៌មានផ្ទាល់ខ្លួនរបស់អ្នកបានបានយ៉ាងល្អ នោះ Blackberry Priv គឺជាទូរស័ព្ទដែលត្រឹមត្រូវសម្រាប់អ្នក។ ឥឡូវនេះ Blackberry Priv មានឲ្យកុម៉្មង់បាននៅឯប្រទេសអាមេរិក ប្រទេសកាណាដា និងប្រទេសអង់គ្លេសហើយ ក្នុងតម្លៃ $699 នៅអាមេរិក, $899 នៅកាណាដា និង £549 (= $826.22) នៅអង់គ្លេស។

អានបន្ត

Like 798

Galaxy View ថ្មីរបស់ Samsung ជា Tablet ឬ ជាទូរទស្សន៍?

បច្ចេកវិទ្យា

02/11/2015

Samsung ជាក្រុមហ៊ុនមួយដែលធំ និង ល្បីនៅក្នុងការផលិតទូរស័ព្ទ និង Tablet នៅពេលដែលឃើញថា Apple ចេញ iPad Pro និង Microsoft ចេញ Surface pro 4 ដូច្នេះក្រុមហ៊ុនមួយនេះបានឌីស្សាញ Tablet ថ្មីសំរាប់ទុកប្រកួតជាមួយ ក្រុមហ៊ុន២នោះ គឺ Samsung Galaxy View ដែលជា Tablet ១ថ្មី ទើបចេញរយៈពេលប៉ុន្មានថ្ងៃនេះ។ នៅក្នុងឆ្នាំ ២០១៥ នេះយើងសង្កេតឃើញថា ក្រុមហ៊ុនល្បីៗទាំងនេះ កំពុងប្រកួតប្រជែងគ្នាយ៉ាងខ្លាំងទៅលើផ្នែកTablet។ តើ Samsung Galaxy View នេះមានអ្វីខ្លះដែលអាចផ្តួល និង អ្វីខ្លះដែលមិនអាចផ្តួល ដៃគូប្រជែងរបស់ Samsung បាន?

ដកស្រង់ចេញពីគេហទំព័រ Samsung

រូបរាង និង ផ្នែកខាងក្រៅ

ប៉ុន្មានថ្ងៃមុននេះ SamSung បានបញ្ចេញនូវ Tablet ថ្មីមួយមានឈ្មោះថា Samsung Galaxy View ដែលមានទំហំធំជាង Galaxy tab និង Galaxy note ទៀត គេបានអោយឈ្មោះវាថា Largest Android Tablet ។ វាមានបណ្តោយ 17.8 inch ទទឹង 10.9inch កំរាស់ 0.47inch ក្រាស់ជាង iPad pro (0.27inch) ប្រើប្រាស់ OS Android 5.1 lollipop។ផ្ទៃខាងមុខ វាមានអេក្រង់ទំហំ 18.4 inch Touchscreen ផ្នែកកៀនៗនៃផ្ទៃខាងមុខមានពណ៌ខ្មៅ និងមានផ្លាកសញ្ញា Samsung។ ផ្នែកខាងក្រោយរបស់វាមានកំហូងមួយសំរាប់យួរ ដូច្នេះអ្នកអាចយកវាទៅតាមខ្លួនបានជានិច្ច។ និងមានបន្ទះមួយសំរាប់ដាក់បញ្ឈរ រឺ ផ្តេកតំរូវតាមចិត្តអ្នក ផ្ទៃខាងក្រោយរបស់វា គ្រើម មាន ផ្លាកសញ្ញា Samsung ធំមួយ។ អេក្រង់របស់វាមាន Resolution 1920×1080 full HD។ យើងសង្កេតឃើញថាគ្មាន Samsung Pen មកជាមួយដូច galaxy note ទេ។

ដកស្រង់ចេញពីគេហទំព័រ Samsung

ផ្នែកខាងក្នុង

Galaxy view បានភ្ជាប់មកជាមួយនូវ Processor: Samsung exynos7580 Octa-core 1.6Ghz និង មានRam ចំនួន 2GB, និងមានទំហំផ្ទុក 32GB។ មានទំហំថ្ម 5.700mAh អាចចាក់បទចំរៀង និង ចាក់វីដេអូ បានចំនួន 8ម៉ោង។ ប្រើប្រាស់ជាមួយតែ wifi ប៉ុណ្ណោះ មិនអាចដាក់simបានទេ។ ចំណែកឯកាមេរ៉ា មានតែខាងមុខប៉ុណ្ណោះ គឺទំហំ 2.1mp ពង្រីកបាន៤ដង និង សំរាប់ថតវីដេអូ បានទំហំ 1080p។ ប្រើប្រាស់OS android 5.1 lollipop។

ដកស្រង់ចេញពីគេហទំព័រ Samsung

ដកស្រង់ចេញពីគេហទំព័រ Gadgets.ndtv.com

ជាចុងក្រោយ តាមដែលពួកយើងបានស្រាវជ្រាវ និង បរិយាយខាងលើនេះ Galaxy view មួយនេះដូចជាមិនអាចប្រៀបបានទៅនឹង iPad pro ឬ Surface pro 4 នោះឡើយ។ បើតាមមើលអ្វីដែលវាមាន គេបានប្រៀបប្រដូចវាត្រឹមតែជា ទូរទស្សន៍ មួយប៉ុណ្ណោះ។
លោកអ្នកអាច Pre order បានពីក្រុមហ៊ុន Samsung តំលៃត្រឹមតែ $599.99 ក្នុង១គ្រឿង។

អានបន្ត

Like 1005

Surface Book ថ្មី ដែលជា Laptop កាត់ Tablet ដំបូងរបស់ក្រុមហ៊ុន Microsoft

បច្ចេកវិទ្យា

08/10/2015

មុននេះក្រុមហ៊ុន Microsoft បានប្រកាសកុំព្យូទ័រ ពីរថ្មីដែលជា Surface Pro 4 (ដែលពួកខ្ញុំបានបកស្រាយក្នុងអត្ថបទមួយនេះ) និង Surface Book។ ក្នុងអត្ថបទនេះខ្ញុំនឹងរៀបរាប់អំពី Surface Book ដែលជាផលិតផលដែលទាក់ទាញភាពភ្ញាក់ផ្អើលពីសំណាក់អតិថិជនជាច្រើន ជាពិសេសអ្នកជំនាញមួយចំនួនដែលត្រូវកាប្រើកុំព្យូទ័រដែលមានល្បឿនលឿន។ Microsoft បានឆ្លើយតបនឹងអ្នកទាំងនោះដោយ Surface Book ដែលជា Laptop ទំហំ 13.5 អ៊ីញដំបូងបង្អស់របស់ក្រុមហ៊ុន Microsoft ហើយវាមិនមែនត្រឹមតែជា Laptop ប៉ុណ្ណោះទេ តែវាជា Laptop កាត់ Tablet ដែលក្រុមហ៊ុន Microsoft បានអះអាងថា Laptop-Tablet មួយនេះអាចដំណើរការបានល្អជា MacBook របស់ក្រុមហ៊ុន Apple ដល់ទៅពីរដងឯនោះ។ Surface Book គឺត្រូវបានឌីហ្សាញយ៉ាងល្អប្រណីតដើម្បីងាយស្រួលក្នុងការប្រើជាមួយនឹង Mouse, Touch, និង Surface Pen របស់វា។

អ្នកអាចប្រើ Surface Book ជាលក្ខណៈ Laptop ដែលមានកម្លាំងដំណើរការពេញបាននៅពេលដែលវានៅភ្ជាប់ជាមួយនឹង Keyboard របស់វា ហើយបើអ្នកចង់ប្រើវាជាលក្ខណៈ Tablet ដើម្បីងាយស្រួលក្នុងការយកទៅតាមខ្លួននោះ អ្នកគ្រាន់តែផ្ដាច់ អេក្រង់ 13.5 អ៊ីញ របស់វាចេញពី Keyboard ដោយចុចប៊ូតុងរបស់វានោះជាការស្រេច តែវាមិនមានដំណើរការខ្លាំងដូចពេលដែលវាកំពុងនៅភ្ជាប់ជាមួយនឹង Keyboard របស់វានោះទេ។ ហើយលើសពីនេះផងដែរ ដោយ Surface Book មានភ្ជាប់មកជាមួយនឹង Surface Pen ស្រាប់ អ្នកក៏អាចប្រើ Surface Book ធ្វើជាផ្ទាំងសម្រាប់គូររូប និងឌីហ្សាញរបស់ផ្សេងៗយ៉ាងងាយស្រួលជាមួយនឹងកម្លាំងដំណើរការពេញរបស់វាបានផងដែរ ដោយគ្រាន់តែផ្ដាច់អេក្រង់ចេញពី Keyboard ដូចជាពេលអ្នកចង់ប្រើវាជា Tablet រួចហើយត្រឡប់អេក្រង់នោះ ហើយភ្ជាប់វាជាមួយនឹង Keyboard របស់វាវិញ នោះអ្នកនឹងបានផ្ទាំងសម្រាប់គូររូប និងឌីហ្សាញផ្សេងៗ ដែលអាចប្រើប្រាស់កម្មវិធីធំៗបានយ៉ាងងាយ។

រូបរាង និងការឌីហ្សាញផ្នែកខាងក្រៅរបស់ Surface Book

Surface Book មានទម្ងន់ត្រឹមតែ 700 ក្រាមតែប៉ុណ្ណោះសម្រាប់អេក្រង់របស់វា ដែលមានកម្រាស់ 7.7 មីលីម៉ែត្រ ហើយវាមានទម្ងន់សរុប 1.516 គីឡូក្រាម (អេក្រង់ + keyboard) ដែលមានកម្រាស់ចន្លោះពី 13 ទៅ 22.8 មីលីម៉ែត្រ។ Surface Book មានមកជាមួយនឹងអេក្រង់ touchscreen ទំហំ 13.5 អ៊ីញ PixelSense^™ ដែលមានទំហំ resolution ដល់ទៅ 3000 x 2000 ជាមួយនឹងដង់ស៊ីតេភិចស៊ែល 267 PPI (ភិចស៊ែលក្នុងមួយអ៊ីញ)។

ចំពោះការឌីហ្សាញផ្នែកខាងក្រៅវិញ សម្បកក្រៅរបស់ Surface Book គឺធ្វើអំពីលោហៈធាតុ Magnesium ដែលមានព៌ណ ប្រាក់ ដែលជាជាតិលោហៈធាតុដូចនឹងសម្បកក្រៅ Macbook Pro របស់ក្រុមហ៊ុន Apple ដែរ។ នៅខាងផ្នែកអេក្រង់របស់ Surface Book គឺមានប៊ូតុងសម្រាប់តម្លើងសម្លេង, ប៊ូតុងសម្រាប់បើកឲ្យ Surface Book មានដំណើរការ និងរន្ធសម្រាប់ដាក់ headphone ហើយវាក៏មានភ្ជាប់ជាមួយនឹង ការមេរ៉ាមុខ ដែលមានទំហំ 5.0 MP (មេហ្គាភិចស៊ែល) និងកាមេរ៉ាក្រោយទំហំ 8.0 MP ដែលអាចថតវីដេអូ full HD (1080p) បាន។ រីឯខាងផ្នែក keyboard វិញ វាមាន port សម្រាប់ USB 3.0 ចំនួនពីររន្ធ, port សម្រាប់ SD Card មួយរន្ធ, រន្ធសម្រាប់បញ្ចូលថ្ម, mini Display Port និង SurfaceConnect™ សម្រាប់ភ្ជាប់ keyboard ជាមួយនឹងអេក្រង់របស់វា។ ហើយចំពោះ keyboard ផ្ទាល់ វាមានសម្លេងស្ងាត់ល្អនៅពេលអ្នកវាយអក្សរ និងមានបញ្ចេញពន្លឺងាយស្រួលក្នុងការវាយអក្សរនៅក្នុងស្ថានភាពងងិត។ Surface Book មាន Trackpad ធ្វើពីកញ្ចក់ងាយស្រួលក្នុងការប្រើ ហើយអ្នកអាចបញ្ជាជាមួយមុខងារ Multi-touch បានជាមួយនឹងម្រាមដៃរហូតដល់ទៅប្រាំម្រាម។

កន្លែង ដែលអ្នកអាចបត់ laptop Surface Book នេះបាន គឺត្រូវបានឌីហ្សាញខុសប្លែកពី laptop ផ្សេងៗដ៏ទៃទៀតដែលយើងធ្លាប់បានឃើញ។ ក្រុមហ៊ុន Microsoft បានហៅវាថា Dynamic Fulcrum ដែលវាអាចបត់បែនបានល្អនិងមានលក្ខណៈរលូន ហើយឈប់នឹងល្អនៅកន្លែងដែលអ្នកចង់ឲ្យវាឈប់។

ការដំណើរការផ្នែកខាងក្នុងរបស់ Surface Book

Surface Book មានភ្ជាប់មកជាមួយនឹង CPU ជំនាន់ទី 6 Intel Core i5 និង Core i7 រួមទាំង GDDR5 memory ដែលអាចតម្លើងដល់ទៅ 16GB RAM ហើយអ្នកអាចជ្រើសរើស GPU ទៅតាមតម្រូវការរបស់អ្នក ដែលវាមាន i5: Intel® HD graphics 520 (non-GPU) និង i5/i7: NVIDIA GeForce Graphics Processor (GPU)។ ជាមួយនឹងបច្ចេកវិទ្យានេះ អ្នកអាចប្រើកម្មវិធីធំៗដូចជាកម្មវិធីគូររូប ឌីហ្សាញ កែវីដេអូ និងរូបភាព និងកម្មវីធីផ្សេងៗជាច្រើនទៀតនៅលើ Surface Book នេះបានដោយរលូន និងមិនចាំបាច់ខ្វល់ថាវាអាចឆាប់អស់ថ្មនោះទេ។ ចំពោះថ្មរបស់ Surface Book ក្រុមហ៊ុន Microsoft បានអះអាងថាវាអាចកាន់បានដល់ទៅ 12 ម៉ោងឯនោះបើអ្នកបើកវីដេអូរហូត និងអាចកាន់បានដល់ទៅ 2-3 ថ្ងៃបើអ្នកដាក់វាឲ្យ Sleep ចោល ឬមិនសូវប្រើវាច្រើន។

បន្ថែមពីនេះ Surface Book មានភ្ជាប់នូវឧបករណ៍ផ្ទុក (Storage) ជា Solid State Drive (SSD) ដែលមានល្បឿន read/write លឿនជាង Hard Disk Drive (HDD) ធម្មតា ហើយអ្នកក៏អាចជ្រើសរើសទំហំ storage ក្នុង Surface Book បានផងដែរ ដែលមាន 128GB, 256GB, 512GB, និង 1TB។ Surface Book ប្រើកម្មវិធី software Window 10 Pro ដែលអាចប្រើជាមួយនឹង Microsoft Office បានយ៉ាងល្អជាមួយគ្នាផងដែរ ជាមួយនឹង Surface Pen និងបច្ចេកវិទ្យាថ្មីៗរបស់ Surface Book ទាំងអស់។

Surface Book នឹងចាប់ផ្ដើមមានលក់នៅឯប្រទេសអាមេរិក និងប្រទេសមួយចំនួនទៀត នៅថ្ងៃទី ២៦ ខែតុលា ឆ្នាំ២០១៥ នេះ ក៏ប៉ុន្តែអ្នកអាចធ្វើការ Pre-order បានចាប់ពីឥឡូវនេះទៅបាន។ តម្លៃរបស់ Surface Book គឺខុសគ្នាទៅតាមជម្រើសរបស់អ្នកទៅលើ CPU, GPU, ទំហំ storage, និង ទំហំ memory របស់វា ដែលមានតម្លៃចាប់ផ្ដើមពី $1,499 ឡើងទៅ។

អានបន្ត

Like 1871

ការនែនាំពី 2016 LEXUS RX ដែលមានម៉ូដែល RX 350, RX 450h Hybrid និង F Sport Version នៃម៉ូដែលទាំងពីរ

យានយន្ត

07/10/2015

Lexus គឺជាក្រុមហ៊ុនផលិតរថយន្តទំនើបៗ និងជាក្រុមហ៊ុន ដែលជាផ្នែកមួយរបស់ក្រុមហ៊ុន TOYOTA។ Lexus បានបង្ហាញនូវរថយន្តទំនើបថ្មីៗមួយចំនួនក្នុងកម្មវិធី New York International Auto Show ដែលធ្វើឡើងនៅថ្ងៃទី ០១ ខែមេសា ឆ្នាំ ២០១៥ នៅទីក្រុង New York ប្រទេសអាមេរិក ហើយក្នុងនោះផងដែរ ក្រុមហ៊ុន Lexus ក៏បានបង្ហាញនូវរថយន្តស៊េរី Lexus RX ជំនាន់ទី 4 ថ្មីស៊េរីឆ្នាំ 2016 ដែលត្រូវបានឌីហ្សាញសារជាថ្មីយ៉ាងស្រស់ស្អាតផ្សំជាមួយនឹងបច្ចេកវិទ្យាខ្ពស់ ហើយស៊េរី Lexus RX នេះ មានដល់ទៅ 4 ម៉ូដែលផ្សេងគ្នាដែលមានដូចជា RX 350 (FWD & FWD), RX 450h Hybrid version (FWD & AWD), និង F Sport version (Only AWD) នៃម៉ូដែលទាំងពីរ ដែលនេះជាលើកដំបូងហើយ ដែលក្រុមហ៊ុន Lexus បានបង្កើតជា F Sport version សម្រាប់ម៉ូដែល Hybrid របស់ពួកគេ។

រូបភាពរថយន្ត Lexus RX ស៊េរីឆ្នាំ 2016

2016 Lexus RX ត្រូវបានកែរូបរាងថ្មី

Lexus RX ឆ្នាំ 2016 (RX 350, RX 450h Hybrid, និង RX F Sport version របស់ពួកវា) ត្រូវបានឌីហ្សាញកែរូបរាងកាន់តែស្អាត និងឡូយជាងមុន និងមើលទៅកាន់តែមានលក្ខណៈ sport ជាងស៊េរីមុនៗ ហើយវាមានប្រវែងបណ្ដោយ 192.5 អ៊ីញ, ប្រវែងទទឹង 74.6 អ៊ីញ, និងមានកំពស់ 66.5 អ៊ីញ។ Lexus RX ត្រូវបានកែនៅកន្លែងជាច្រើនដូចជា ចង្កៀង LED ខាងមុខ និងខាងក្រោយ, សំណាញ (emboldened spindle grille) ដែលនៅពីខាងមុខរថយន្ត, និងមានមកជាមួយនឹងកង់ទំហំ 20 អ៊ីញ ដែលធ្វើពីអាឡុយមីញ៉ូម ធំជាងស៊េរីមុនដែលមានកង់ត្រឹមតែ 19 អ៊ីញ។

រូបភាពរថយន្ត Lexus RX ស៊េរីឆ្នាំ 2016

ផ្នែកខាងក្នុងនៃរថយន្ត Lexus RX ស៊េរីឆ្នាំ 2016 នេះ ត្រូវបានឌីហ្សាញ និងកាត់តម្រឹមដោយប្រើបច្ចេកវិទ្យាទំនើបៗដោយក្រុមហ៊ុន Yamaha និងប្រើប្រាស់នូវវត្ថុធាតុដើមល្អៗប្រណីតដូចជាស្បែក និងឈើល្អៗជាដើម ដើម្បីបញ្ជាក់នូវភាពហុឺហារ និងភាពទំនើបនៃរថយន្ត។ លើសពីនេះ វាក៏មានភ្ជាប់មកជាមួយនូវអេក្រង់សម្រាប់មើល និងបញ្ជាមុខងារជាច្រើនក្នុងរថយន្តដែលមានទំហំដល់ទៅ 12.3 អ៊ីញ ដែលអ្នកអាចដាក់មើលផែនទីបានពេញមួយអេក្រង់បានផងដែរ ហើយនៅពីក្រោយកៅអីរបស់អ្នកបើកបរ និងកៅអីអ្នកជិះខាងមុខ ក៏មានភ្ជាប់ជាមួយនឹងអេក្រង់ទំហំ 11.6 អ៊ីញសម្រាប់ឲ្យអ្នកអង្គុយនៅខាងក្រោយបានមើលពីកម្មវិធីកម្សាន្តផ្សេងៗបានផងដែរ។ រីឯកញ្ចក់នៅលើដំបូលរថយន្ត វាមានទំហំធំជាងមុនដែលមានរាងជាចតុកោណកែង អាចឲ្យអ្នកមើលទៅមេឃ ឬមើលផ្កាយពេលយប់បានយ៉ាងច្បាស់ល្អ។ ចំពោះទំហំនៅខាងក្នុងរថយន្ត គឺវាមានទំហំធំជាងស៊េរីមុនៗ ដែលធ្វើឲ្យមានអារម្មណ៍ធំទូលាយមិនចង្អៀតនៅពេលជិះនៅខាងក្នុង។

ការឌីហ្សាញផ្នែកខាងក្នុងរថយន្ត

បង្អួច Moon roof

ការដំណើរការនៃរថយន្ត Lexus RX ស៊េរីឆ្នាំ 2016

2016 Lexus RX មាន ៤ ម៉ូដែល៖ RX 350, RX 350 F Sport version, RX 450h Hybrid, និង RX 450h F Sport Version។ Lexus RX 350 និង F Sport version របស់វា មានភ្ជាប់ជាមួយនឹងម៉ាស៊ីន 3.5-Liter V6 ផ្គុំគ្នាជាមួយនឹង eight-speed automatic transmission ដែលអាចផ្ដល់កម្លាំងបានដល់ទៅ 295 សេះ (Horsepower)។ រីឯ Lexus RX 450h Hybrid និង F Sport version របស់វាវិញ គឺភ្ជាប់មកជាមួយនឹងម៉ាស៊ីន Atkinson-cycle 3.5-Liter V6 ដូចគ្នា តែអាចផ្ដល់កម្លាំងបានត្រឹមតែ 259 សេះ (Horsepower) ប៉ុណ្ណោះ ក៏ប៉ុន្តែបើបូកសរុបជាមួយនឹង electric motor generator ដែលមានក្នុង RX Hybrid version នេះ វាអាចផ្ដល់កម្លាំងបានដល់ទៅ 308 សេះ (Horsepower) ឯនោះ។ ទោះជាយ៉ាងណាក៏ដោយ ម៉ាស៊ីនរបស់ Lexus RX ទាំងអស់ គឺសុទ្ធតែអាចសន្សំសំច្ចៃប្រេង និងបញ្ចេញជាតិកាបូនតិច ហើយជាពិសេសនោះគឺមានភាពស្ងាត់ល្អនៅពេលដំណើការ។

2016 Lexus RX engine

Lexus Safety System+

ក្រុមហ៊ុន Lexus បានគិតដល់សុវត្ថិភាពនៃការបើកបររបស់អ្នកជាចំបង ដូច្នេះប្រព័ន្ធ Lexus Safety System+ ក៏ត្រូវបានដាក់បញ្ចូលក្នុង Lexus RX ស៊េរីឆ្នាំ 2016 នេះផងដែរ។ ប្រព័ន្ធ Lexus Safety System+ នេះមានមុខងារជាច្រើនសម្រាប់សម្រួល និងធានាឲ្យបាននូវសុវត្ថិភាពនៃការបើកបររបស់អ្នក ដែលមានដូចជា Pre-Collision System (PCS) ដែលអាចជួយចាប់ហ្វ្រាំងបានស្វ័យប្រវត្តិនៅពេលដែលមានការឈប់ភ្លាមៗ, Automatic Hi-Beam ដែលអាចជួយឲ្យអ្នកមើលឃើញងាយស្រួលនៅពេលយប់, Lane Keep Assist ដែលអាចជួយឲ្យអ្នកស្ថិតនៅក្នុងផ្លូវ, Dynamic Radar Cruise Control ដែលអាចជួយរថយន្តរបស់អ្នកឈប់បាននៅនឹងកន្លែង, និងមុខងារផ្សេងៗជាច្រើនទៀត។

រូបភាពរថយន្ត Lexus RX ស៊េរីឆ្នាំ 2016

បន្ថែមពីនេះ Lexus RX ស៊េរីថ្មីនេះ ក៏មានមកជាមួយនូវមុខងារដែលអាចឲ្យរថយន្តមានភាពនឹងល្អ នៅពេលបើកបរគ្រប់កាលៈទេសៈ។ Adaptive Variable Suspension (AVS) ត្រូវបានដាក់បញ្ចូលក្នុង Lexus RX ថ្មីនេះជាលើកដំបូងបង្អស់។ AVS គឺប្រព័ន្ធដែលអ្នកអាចផ្លាស់ប្តូរ Mode នៃដំណើរការរបស់រថយន្តទៅតាមស្ថានភាពនៃផ្លូវ និងអាកាសធាតុ ដែលមានដូចជា Eco Mode, Normal Customize Mode, និង Sport S/S+ Mode ដែលមានក្នុង RX F Sport version។ កន្លែងបញ្ជា AVS នេះគឺស្ថិតនៅខាងស្ដាំដៃអ្នកបើកបរ នៅចំកណ្ដាលរវាងកៅអីអ្នកបើកបរ និងកៅអីអ្នកជិះខាងមុខ នៅជិតចង្កឹះលេខនិងកន្លែងដាក់កំប៉ុងទឹក ហើយអ្នកអាចជ្រើសយក Mode ដែលអ្នកត្រូវការបានដោយគ្រាន់តែបង្វិលវាទៅ Mode នោះ។

Adaptive Variable Suspension (AVS)

RX F Sport Version

សម្រាប់អ្នកដែលចង់បាន Lexus RX ថ្មីនេះជាមួយនឹង ដំណើរការល្អជាងធម្មតា និងមានលក្ខណៈ Sport ជាងនេះ អ្នកអាចរកទិញ RX F Sport version របស់ RX 350 RX និង RX 450h Hybrid បាន ក៏ប៉ន្តែវាមានសម្រាប់តែ AWD (All-Wheel Drive) តែប៉ុណ្ណោះ។ សូមបញ្ជាក់ថា នេះជាលើកដំបូងហើយ ដែលក្រុមហ៊ុន Lexus បានផលិតជា F Sport version សម្រាប់រថយន្ត Hybrid របស់ពួកគេ។

រូបភាពរថយន្ត Lexus RX ស៊េរីឆ្នាំ 2016

landscape-1427896657-nyias-2016-lexus-rx-350-f-sport-001

រូបភាពរថយន្ត Lexus RX ស៊េរីឆ្នាំ 2016

ចំពោះ RX F Sport version នេះ វាមានលក្ខណៈពិសេសរបស់វានៅខាងរូបរាង និងការដំណើរការ ដែលធ្វើឲ្យវាមានលក្ខណៈខុសប្លែកពី version ធម្មតា។ ចំពោះផ្នែករូបរាង អ្នកនឹងឃើញមានស្លាក F Sport នៅកន្លែងមួយចំនួននៅលើតួររថយន្ត និងក្នុងរថយន្ត ហើយការឌីហ្សាញនៅខាងក្នុងរថយន្តក៏ត្រូវបានធ្វើឲ្យកាន់តែមានលក្ខណៈ Sport ផងដែរ។ រីឯខាងដំណើរការរបស់ RX F Sport version វិញ វាជួយឲ្យរថយន្តកាន់តែមានលំនឹងកាន់តែនឹងនៅពេលបើកបរក្នុងល្បឿនលឿនគ្រប់ស្ថានភាពផ្លូវ និងអាកាសធាតុ។ បន្ថែមពីនេះ AVS ដែលបានរៀបរាប់ខាងលើ ក៏មានបន្ថែមនូវ S+ Mode ផងដែរក្នុង RX F Sport version សម្រាប់ឲ្យអ្នកបើកបរទទួលបាននូវបទពិសោធន៍នៃការបើកបរក្នុងលក្ខណៈ Sport ។

រូបភាពរថយន្ត Lexus RX ស៊េរីឆ្នាំ 2016

សរុបមក រថយន្ត Lexus RX ស៊េរីថ្មីនេះ គឺពិតជាល្អប្រណីត និងឡូយ ហើយសាកសមជាមួយនឹងអ្នកដែលមានឋានៈខ្ពង់ខ្ពស់ និងអ្នកដែលចូលចិត្តរថយន្តទំនើបបែប Sport។ រថយន្ត Lexus RX ថ្មីស៊េរីឆ្នាំ 2016 របស់ក្រុមហ៊ុន Lexus នេះនឹងមានចេញលក់ឆាប់ៗនៅប្រទេសអាមេរិក និងប្រទេសមួយចំនួនទៀតនៅក្នុងចុងឆ្នាំ 2015 នេះ។ ហើយយើងក៏នឹងឃើញមានរថយន្តថ្មីនេះបើកបរលើផ្លូវនៅក្នុងប្រទេសកម្ពុជាយើងឆាប់ៗនេះផងដែរ។

អានបន្ត

Like 848

Android M ឬ Android 6.0 Marshmallow ដែលជា Operating System ថ្មីសម្រាប់ Android Smartphone

បច្ចេកវិទ្យា

30/09/2015

Android M ឬក៏ Android 6.0 Marshmallow គឺជា Android Mobile Operating System ថ្មីរបស់ក្រុមហ៊ុន Google ដែលជា update របស់ Android Lollipop។ ក្រោយពីបានចេញឲ្យអ្នក developers ប្រើនឹងធ្វើការកែសម្រួលជាច្រើនខែកន្លងមក ក្រុមហ៊ុន Google នឹងធ្វើការប្រកាសចេញជាផ្លូវការឲ្យអ្នកប្រើប្រាស់ទូរស័ព្ទ android smartphone អាច download បានឆាប់ៗនេះនូវ Android version ថ្មីរបស់ពួកគេ ដែលមានឈ្មោះថា Android 6.0 Marshmallow។

Android Marshmallow របស់ក្រុមហ៊ុន Google

នៅថ្ងៃទី ២៩ ខែកញ្ញានេះ ក្រុមហ៊ុន Google បានបញ្ជាក់ថា Android 6.0 Marshmallow នឹងចេញជាផ្លូវការឆាប់ៗនេះ សម្រាប់ទូរស័ព្ទម៉ាក Nexus មួយចំនួនដូចជា Nexus 5, Nexus 6, Nexus 7, Nexus 9 ជាដើម ហើយក៏មានភ្ជាប់មកជាមួយជាស្រាប់ក្នុងទូរស័ព្ទថ្មី Nexus 5X របស់ក្រុមហ៊ុន LG និង Nexus 6 របស់ក្រុមហ៊ុន Huawei ផងដែរ។ រីឯក្រុមហ៊ុនទូរស័ព្ទ Samsung ក៏បានបញ្ជាក់ផងដែរថា អ្នកនឹងអាចតម្លើង Android operating system ក្នុងទូរស័ព្ទរបស់អ្នកទៅជា Android 6.0 Marshmallow បានក្នុងពេលឆាប់ៗនេះ ទៅតាមទីកន្លែង ឬប្រទេសដែលអ្នករស់នៅ ដូច្នេះទីកន្លែង/ប្រទេសខ្លះអាចទទួលបានការ update មុន និងប្រទេសខ្លះទៀតអាចនឹងត្រូវចាំយូរបន្តិច។ សូមបញ្ជាក់ផងដែរថា ទូរស័ព្ទម៉ាក Samsung ដែលអាចតម្លើងទៅជា Android 6.0 Marshmallow បានគឺមានដូចជា Galaxy S6, Galaxy S6+, Galaxy S6 Edge, Galaxy S6 Edge+, និង Samsung Note 5 ជាដើម ដែលជាទូរស័ព្ទស៊េរីថ្មីៗរបស់ Samsung។

Android 6.0 is called Android Marshmallow

ដូចនេះបើអ្នកចង់ទទួលបាននូវអារម្មណ៍ថ្មីៗនៃការប្រើប្រាស់ទូរស័ព្ទ android របស់អ្នកឲ្យកាន់តែប្រសើរឡើង ជាមួយនឹង updates ថ្មីៗរបស់ Android OS នេះ សូមអ្នកកុំភ្លេច update ទូរស័ព្ទអ្នកទៅ Android 6.0 Marshmallow នៅពេលដែលវាមានវត្តមានអាចឲ្យអ្នក download បាននៅប្រទេសកម្ពុជាយើង ប៉ុន្តែឥឡូវនេះសូមរងចាំទាំងអស់គ្នាសិន។

អានបន្ត

Like 600

ទូរទស្សន៍8Kដំបូងបង្អស់លើពិភពលោកពីក្រុមហ៊ុនSHARP

បច្ចេកវិទ្យា

17/09/2015

ចាប់តាំងពីដំបូងដែល ទូរទស្សន៍មានតែពណ៌សខ្មៅ រហូតមានពណ៌ ហើយក៏បានផលិតនូវទូរទស្សន៍ជាច្រើនមានទំហំខុសៗគ្នា។ បច្ចុប្បន្ន ទូរទស្សន៍ដែលមានទំហំ Resolution ធំជាងគេ គឺ ទូរទស្សន៍ 4K។ ប៉ុន្តែលោកអ្នកមិនទាន់ដឹងទេថា តើនាពេលនេះគេបានផលិតនូវទូរទស្សន៍មានទំហំ រឹតតែធំ គឺ 8K ដែលផលិតដោយក្រុមហ៊ុន Sharp ដែលជាក្រុមហ៊ុនល្បីក្នុងការធ្វើគ្រឿងអេឡិចត្រូនិច។

ទូរទស្សន៍ 8K មួយនេះ ហៅម្យ៉ាងទៀតថា Super high-vision ដែលមាន ទំហំ 85inch និងមាន Resolution ដល់ទៅ 7680×4320 មានទំហំ 4ដងនៃ ទូរទស្សន៍ 4K មានចំនួនភិចសេល ដល់ទៅ 107 ក្នុង 1Inch។

ដកស្រង់ចេញពីគេហទំព័រ 9to5mac

ក្រុមហ៊ុន Sharp នឹងចាប់ផ្តើមដាក់បង្ហាញទូរទស្សន៍នេះនៅដើមខែតុលា និង ត្រៀមលក់ទូរទស្សន៍នេះ នៅប្រទេសជប៉ុនជាមុនគេ នឹងមានតំលៃដល់ទៅ $133,000 នៅចុងខែតុលាខាងមុខនេះ។ ក្រៅពីនេះនៅមានក្រុមហ៊ុនផ្សេងទៀតកំពុងខំប្រឹងធ្វើទូរទស្សន៍ទំហំ 8K ផងដែរ ដូចជា LG និង Samsung។

ខាងក្រោមនេះជា វីដេអូបង្ហាញពី ការដាក់តាំង ទូរទស្សន៍ Sharp 8k super high vision នៅ CES Show 2015

អានបន្ត

Like 1157

Porsche Mission E, រថយន្ត sport concept ថ្មីរបស់ក្រុមហ៊ុន Porsche ដែលប្រើថាមពលអគ្គីសនី ១០០%

យានយន្ត

16/09/2015

ក្រុមហ៊ុន Porsche ដែលជាក្រុមហ៊ុនផលិតរថយន្តទំនើបៗដ៏ល្បីមួយនៅលើពិភពលោក ទើបនឹងប្រកាសអំពីរថយន្ត sport concept ថ្មីរបស់ពួកគេ នោះគឺ Porsche Mission E។ រថយន្តនេះ គឺជារថយន្តដំបូងបង្អស់របស់ក្រុមហ៊ុន Porsche ដែលប្រើថាមពលអគ្គីសនី 100% ជំនួសការប្រើប្រាស់សាំង។

រូបភាពរថយន្ត Porsche Mission-E។ ដកស្រង់ចេញពីគេហទំព័រផ្លូវការរបស់ Porsche

Porsche Mission E គឺជារថយន្ត Sport ដ៏ទំនើបថ្មី ដែលអាចអង្គុយបានដល់ទៅ ៤នាក់ មានទ្វារ ៤សងខាងដ៏ទំនើប និងប្រើប្រាស់ប្រព័ន្ធអគ្គីសនីទាំងស្រុង។ វាមានកម្លាំងម៉ាស៊ីនដល់ទៅ 600 សេះ (600 horsepower) ដែលអាចដំឡើងល្បឿនយ៉ាងលឿនពី 0 Km/h ទៅ 100 Km/h ដោយចំណាយពេលតិចជាង 3.5 វិនាទី និង ពី 0 Km/h ទៅ 200 Km/h ក្នុងរយៈពេលតិចជាង 12 វិនាទី ហើយវាមានល្ពឿនអតិបរមាដល់ទៅ 250 Km/h។ អ្នកអាចបើករថយន្តនេះបានដល់ទៅចម្ងាយជាង 500 Km ក្នុងការសាកអគ្គីសនីមួយពេញ ហើយជាមួយនឹងប្រព័ន្ធសាកអគ្គីសនីថ្មីរបស់ Porsche ដែលមានថាមពល 800 វ៉ុល (800-volt Porsche Turbo Charging System) អ្នកអាចសាកអគ្គីសនីរថយន្ត Porsche Mission E នេះឲ្យឡើងដល់ 80% ក្នុងរយៈពេលត្រឹមតែ 15 នាទីប៉ុណ្ណោះ។ ហើយជាពិសេសជាងនេះទៅទៀតនោះ រថយន្តនេះ ក៏មានបំពាក់នូវលក្ខណៈពិសេសៗមួយចំនួនដើម្បីឲ្យអ្នកបញ្ជាមុខងារជាច្រើនពីខាងក្នុងរថយន្តដោយប្រើកាយវិការរបស់អ្នក ដូច្នេះអ្នកមិនចាំបាច់ចុចដល់អេក្រង់ដើម្បីបញ្ជានោះទេ។ ហើយរថយន្តនេះក៏មានកាមេរ៉ានៅជិតកុងទ័ររបស់វា ដែលអាចមើលដឹងពីអារម្មណ៍របស់អ្នកតាមរយៈទឹកមុខរបស់អ្នកផងដែរ។

រូបភាពរថយន្ត Porsche Mission-E។ ដកស្រង់ចេញពីគេហទំព័រផ្លូវការរបស់ Porsche

រូបភាពខាងក្នុងរបស់រថយន្ត Porsche Mission-E។ ដកស្រង់ចេញពីគេហទំព័រផ្លូវការរបស់ Porsche

រូបភាពរថយន្ត Porsche Mission-E។ ដកស្រង់ចេញពីគេហទំព័រផ្លូវការរបស់ Porsche

រូបភាពចង្កៀងភ្លើងមុខរបស់រថយន្ត Porsche Mission-E។ ដកស្រង់ចេញពីគេហទំព័រផ្លូវការរបស់ Porsche

រូបភាពកន្លែងសាកអគ្គីសនីរបស់រថយន្ត Porsche Mission-E។ ដកស្រង់ចេញពីគេហទំព័រផ្លូវការរបស់ Porsche

រូបភាពរថយន្ត Porsche Mission-E។ ដកស្រង់ចេញពីគេហទំព័រផ្លូវការរបស់ Porsche

ប្រាកដណាស់ រថយន្ត Porsche Mission E ថ្មីនេះ គឺជារថយន្ត sport concept ថ្មីរបស់ក្រុមហ៊ុន Porsche ហើយនៅមិនទាន់បានចាប់ផ្ដើមធ្វើផលិតកម្មនៅឡើយទែ តែវានឹងត្រូវបានចាប់ផ្ដើមផលិតនៅក្នុងពេលឆាប់ៗនេះ។ ដោយឡែកនៅប្រទេសកម្ពុជាយើង យើងនៅមិនទាន់ឃើញមានរថយន្តដែលប្រើប្រាស់អគ្គីសនីទេ តែយើងសង្ឃឹមថា នាពេលអនាគតឆាប់ៗនេះ នៅពេលដែលតម្រូវការមួយចំនួនត្រូវបានបំពេញសម្រាប់រថយន្តដែលប្រើអគ្គីសនី យើងនឹងឃើញមានវត្តមានរបស់រថយន្តទាំងនោះនៅលើផ្លូវ ដែលជារឿងមួយដ៏ល្អព្រោះវាអាចកាត់បន្ថយការបំពុលបរិស្ថានបាន។

រូបភាពរថយន្ត Porsche Mission-E។ ដកស្រង់ចេញពីគេហទំព័រផ្លូវការរបស់ Porsche

អានបន្ត

Like 1117

iPad Mini 4 ថ្មីរបស់ក្រុមហ៊ុន Apple

បច្ចេកវិទ្យា

15/09/2015

ក្នុងអត្ថបទនេះ ខ្មុំនឹងធ្វើការរៀបរាប់អំពី iPad Mini 4 ថ្មីដែលក្រុមហ៊ុន Apple បានប្រកាសនៅព្រឹត្តិការណ៍ខែកញ្ញា ឆ្នាំ២០១៥ នេះជាមួយនឹងផលិតផល និង updates ផ្សេងៗទៀត។ ខ្ញុំនឹងរៀបរាប់យ៉ាងខ្លីៗ ទៅលើលក្ខណៈពិសេសៗមួយចំនួនរបស់ iPad Mini 4 ដូចជា ការឌីហ្សាញ, processor, កាមេរ៉ា, Touch ID, WiFi + 4G/LTE or Cellular, operating system, និងតម្លៃរបស់វានៅសហរដ្ធអាមេរិក។

ការឌីហ្សាញរបស់ iPad Mini 4

រូបភាព iPad mini 4

iPad Mini 4 ត្រូវបានឌីហ្សាញឲ្យស្រាល និងស្ដើងជាងម៉ូដែលមុនៗ ដែលមានទម្ងន់ត្រឹមតែ 298.8 ក្រាមចំពោះ WiFi ម៉ូដែល និង 304 ក្រាមចំពោះ WiFi + Cellular (4G/LTE) ម៉ូដែល ហើយវាមានកម្រាស់ 6.1 មីលីម៉ែត្រ (ស្ដើងជាងម៉ូដែលមុន 18%)។ iPad Mini 4 មានទំហំអេក្រង់ 7.9 អ៊ីញ Retina Display ដែលមានផ្ទុកចំនួនភិចស៊ែលរហូតដល់ទៅ 3.1 លានផិចស៊ែល (2048 x 1536 ភិចស៊ែល) ត្រូវនឹង 326 ភិចស៊ែលក្នុងមួយអ៊ីញ។ ហើយ iPad Mini 4 ថ្មីនេះមាន ៣ ពណ៌សម្រាប់ជ្រើសរើសដូចម៉ូដែលមុនដែរ គឺពណ៌ប្រាក់ ពណ៌ប្រផែស និងពណ៌មាស។

Apple A8 Processor ភ្ជាប់មកជាមួយនឹង M8 Motion Coprocessor

រូបភាពរបស់ Apple A8 Processor

iPad Mini 4 មានបំពាក់មកជាមួយនឹង 64-bit Apple A8 Processor ដែលជា processor ជំនាន់ទី២ របស់ក្រុមហ៊ុន Apple ហើយវាមានល្បើនលឿនជាង processor A7 ជំនាន់មុនដល់ទៅ 1.3 ដង (30% លឿនជាងមុន) ខាងផ្នែក CPU និង 1.6 ដង (60% លឿនជាងមុន) ខាងផ្នែក GPU។ ដោយសារតែ CPU និង GPU លឿនជាងមុន iPad Mini 4 អាចធ្វើឲ្យបទពិសោធន៍នៃការប្រើប្រាស់ iPad Mini របស់អ្នកកាន់តែល្អប្រសើរជាងមុន ជាមួយនឹងដំណើរការក្នុងម៉ាស៊ីនលឿនមិនអាក់ និងរូបភាពក្រាហ្វិចច្បាស់ល្អ។ បន្ថែមពីនេះ ថ្មរបស់ iPad Mini 4 អាចកាន់បានរហូតដល់ទៅ ១០ ម៉ោងឯនោះ។

កាមេរ៉ារបស់ iPad Mini 4

រូបភាព iPad mini 4

ចំពោះកាមេរ៉ាវិញ iPad Mini 4 មានកាមេរ៉ាមុខ (FaceTime HD Camera) ដែលមានទំហំមេហ្គាភិចស៊ែល 1.2MP ដូចម៉ូដែលមុនដែរ និងអាចថតវីដែអូបានទំហំ 720p HD និងកាមេរ៉ាខាងក្រោយ (iSight) ដែលមានទំហំមេហ្គាភិចស៊ែលដល់ទៅ 8MP ធំជាងម៉ូដែលមុនដែលមានត្រឹមតែ 5MP ហើយអាចថតវីដេអូបានទំហំ 1080p HD។

Touch ID

បច្ចេកវិទ្យារបស់ Apple Touch ID

Touch ID គឺជាបច្ចេកវិទ្យានៃការស្កេនម្រាមដៃរបស់ក្រុមហ៊ុន Apple ដែលបានចេញតាំងពីពីរឆ្នាំមុន ដើម្បីធ្វើឲ្យឧបករណ៍របស់អ្នកកាន់តែមានសុវត្ថិភាព និងងាយស្រួលក្នុងការប្រើប្រាស់។ ជាមួយនឹង Touch ID អ្នកអាចស្កេនម្រាមដៃអ្នកនៅលើ Home Button របស់ iPad Mini 4 របស់អ្នក ដែលមានបង្កប់នូវសេនស័រពីខាងក្រោម ដើម្បីដោះសោរ ដើម្បីការពារទិន្នន័យផ្ទាល់ខ្លួនរបស់អ្នកនៅក្នុង app នីមួយៗ និងដើម្បីទិញរបស់ផ្សេងៗ នៅក្នុង App Store, iTune Store និង iBook Store។

មានល្បឿន WiFi និង 4G/LTE លឿនជាងមុន

iPad Mini 4 មានភ្ជាប់មកនូវ 802.11a/b/g/n/ac បច្ចេកវិទ្យា Wi-FI ខ្ពស់ ដែលអាចមានល្បើនដោនឡោដអាចឡើងដល់ទៅ 866Mbps រីឯ 4G/LTE ដែលមាននៅក្នុង WiFi + Cellular ម៉ូដែលរបស់ iPad Mini 4 វិញក៏មានល្បឿនលឿនផងដែរ ដែលល្បឿនដោនឡោដអាចឡើងដល់ទៅ 150Mbps (50% លឿនជាងមុន)។ ជាមួយនឹង WiFi និង 4G/LTE ដែលទទួលទិន្នន័យបានលឿន និងងាយស្រួលជាងមុន អ្នកយក iPad Mini 4 របស់អ្នកតាមខ្លួនដើម្បីធ្វើការងាររបស់អ្នកបានគ្រប់ពេលវេលា និងគ្រប់ទីកន្លែង។ ក៏ប៉ុន្តែ យើងនឹងមិនមានឃើញមានភាពខុសប្លែកគ្នាអ្វីច្រើនលើល្បើនអ៊ិនធឺណេតខ្លាំងនោះទេនៅឯប្រទេសកម្ពុជា ពីព្រោះឥឡូវនៅមិនទាន់មានក្រុមហ៊ុនអ៊ិនធឺណេតណាអាចផ្ដល់ល្បឿនអ៊ិនធឺណេតលឿនដល់នោះទេ។

Operating System ថ្មី iOS9

ដូចជាផលិតថ្មីៗរបស់ក្រុមហ៊ុន Apple ផ្សេងទៀតដែរ iPad Mini 4 ក៏មានមកជាមួយនឹង iOS9 ដែលជា operating system ជំនាន់ថ្មីរបស់ក្រុមហ៊ុន Apple។ ជាមួយនឹងលក្ខណៈពិសេសៗរបស់ iOS9 ដូចជា Siri, QuickType Keyboard, និង Multitasking ដែលក្រុមហ៊ុន Apple បានធ្វើឲ្យប្រសើរឡើង រួមនឹង apps ដែលមានស្រាប់នៅក្នុង iPad Mini 4 របស់អ្នក វាអាចធ្វើឲ្យការងាររបស់អ្នកកាន់តែងាយស្រួល និងមានប្រសិទ្ទិភាព។

តម្លៃរបស់ iPad Mini 4 នៅសហរដ្ធអាមេរិក

ខាងក្រាមនេះគឺជាតារាងតម្លៃរបស់ iPad Mini 4 នៅសហរដ្ធអាមេរិក៖

ចំពោះ iPad Mini 4 ជាមួយនឹង WiFi ម៉ូដែល
- 16GB = $399
- 64GB = $499
- 128GB = $599

ចំពោះ iPad Mini 4 ជាមួយនឹង WiFi + Cellular ម៉ូដែល
- 16GB = $529
- 64GB = $629
- 128GB = $729

សរុបឲ្យខ្លីមក iPad Mini 4 គឺជាឧបករណ័បច្ចេកវិទ្យាថ្មីមួយ ដែលជា upgrade របស់ iPad Mini 3 ដែលអាចជួលសម្រួលដល់ការងារជាច្រើនរបស់យើង ហើយវាមានរាងតូចស្អាត និងមានភាពងាយស្រួលក្នុងការយកតាមខ្លួន ដូច្នេះហើយអ្នកអាចធ្វើការងាររបស់អ្នកបានយ៉ាងស្រួលគ្រប់ទីកន្លែង និងគ្រប់ពេលវេលា។ បើសិនជាអ្នកមានសំណួរ និងមតិអ្វីចង់បន្ថែមអំពីអត្ថបទនេះ សូមមេត្តាបញ្ចេញមតិរបស់អ្នកនៅក្នុងកន្លែងបញ្ចេញមតិខាងក្រោម។

រូបភាព iPad mini 4

អានបន្ត

preview Tag Archive

Nikon D5

Nikon D500

ការឌីហ្សាញរបស់ Blackberry Priv

កាមេរ៉ា

ការដំណើរការរបស់ Blackberry Priv

រូបរាង និង ផ្នែកខាងក្រៅ

ផ្នែកខាងក្នុង

រូបរាង និងការឌីហ្សាញផ្នែកខាងក្រៅរបស់ Surface Book

ការដំណើរការផ្នែកខាងក្នុងរបស់ Surface Book

2016 Lexus RX ត្រូវបានកែរូបរាងថ្មី​

ការដំណើរការនៃរថយន្ត Lexus RX ស៊េរីឆ្នាំ 2016

RX F Sport Version

បណ្ដាញសង្គម

ផ្សេងៗ

preview
Tag Archive

2016 Lexus RX ត្រូវបានកែរូបរាងថ្មី