នេះគឺជារថយន្តប្រភេទ sedan ដ៏ប្រណិត និង ទំនើប ដែលបង្កើតឡើងដោយក្រុមហ៊ុន Porsche របស់ប្រទេសអាល្លឺម៉ង់។ សំរាប់រថយន្ត Porsche Panamera S Hybrid ប្រភេទ sedan មួយនេះត្រូវបានគេរចនាម៉ូតយ៉ាងល្អប្រណិតឥតខ្ចោះដោយបំពាក់មកនៅជាមួយប្រព័ន្ធបច្ចែកវិទ្យាដ៏ទំនើបៗ និង ឧបករណ៏បរិក្អារល្អៗជាច្រើន។
រថយន្ត Panamera S Hybrid គឺរថយន្តដែលជួយដល់បរិស្ថានជាងគេបង្អស់ដែល Porsche បានផលិតព្រោះវាបញ្ចេញកាបូនឌីអុកស៊ីត 159 ក្រាមក្នុងមួយគីឡូតែប៉ុន្នោះ។ លក្ខណៈទូទៅ និង បច្ចែកវិទ្យារបស់ Porsche Panamera S Hybrid រួមមាន៖
លក្ខណៈទូទៅ ៈ
Porsche Panamera គឺជាប្រភេទរថយន្ត sedan ទ្វា 5 វាអាចផ្ទុកមនុស្សបានចំនួន 4 នាក់ គឺខាងមុខចំនួនពីរនាក់ និង ខាងក្រោយបានចំនួនតែពីរនាក់តែប៉ុន្នោះ មូលហេតុដោយសារកន្លែងខាងក្រោយរបស់រថយន្តមួយនេះគឺបានរចនាមូដបែបប្រណិត ដូចជាកៅអីរបស់យន្តហោះដែរ។
រថយន្តប្រភេទ sedan បែបស្ព័រមួយនេះមានរូបរាងវែងល្មម តែមិនសូវជាខ្ពស់ប៉ុន្មានទេ ដោយមានប្រវែងបណ្តោយប 4968 ម.ម ប្រវែងទទឹង 1930 ម.ម និង កម្ពស់ប្រវែង 1417 ម.ម។ ហើយសំរាប់ឯចំង៉ាយកង់មុខ និង ក្រោយរបស់វាវិញមានប្រវែង 2918 ម.ម។ រថយន្តមួយនេះមានទំងន់ចំនួន 1979 គីឡូក្រាម អាចផ្ទុកទម្ងន់បាន 1279 គីឡូក្រាម និង អាចទអូសសណ្តោងបានទម្ងន់ 2199 គីឡូក្រាម។ សំរាប់ឯប្រភេទម៉ាស៊ីនវិញ Porsche Panamera S Hybrid ត្រូវបានបំពាក់ជាមួយម៉ាស៊ីន V6 hybrid ចំណុះ 3.0 លីត្រsupercharged របស់ Audi ទំនើប ដែលមាននៅក្នុងប្រភេទរថយន្ត Porsche Cayenne Hybrid និង រថយន្ត sport ជាច្រើនរបស់ Audi។
ដោយសារតែវាគឺជារថយន្តប្រភេទ Hybrid រថយន្តមួយនេះមានប្រភពថាមពលពីរគឺពីម៉ាស៊ីន V6 ដែលផលិតកំលាំង 333 សេះ និង 325 ផោនហ្វីតនៃកម្លាំងបង្វិលជុំ និង ម៉ូទ័រអគ្គិសនីមួយបន្ថែមទៀតដែលជួយដល់ការផលិតសរុបក្នុងប្រព័ន្ធ 380 សេះនិង 428 ផោនហ្វីតនៃកម្លាំងបង្វិលជុំ។ រថយន្តមួយប្រភេទនេះជារថយន្តដែលប្រើប្រាស់កាឡេកង់ក្រោយ RWD ដោយបំពាក់មកនៅជាមួយប្រអប់ចង្គឺះលេខ 8 លេខស្វ័យប្រវត្ត រីឯចំណុះធុងប្រេងអាចផ្ទុកបាន 79 លីត្រ។ វាជាការពិតណាស់ដែលថាអត្ថប្រយោជន៏របស់ម៉ាស៊ីន Hybrid នោះគឺជាការជួយសន្សំសន្ច័យការប្រើប្រាស់ប្រេងសាំង ដែលជាមូលហេតុមួយដែលធ្វើឲ្យ Porsche Panamera S Hybrid នេះប្រើប្រាស់សាំងត្រឹមតែ 10.5 លីត្រ ក្នុង 100 គីឡូម៉ែត្រសំរាប់ការបើកបរក្នុងក្រុង និង 7.5 លីត្រ ក្នុង 100 គីឡូម៉ែត្រតែប៉ុន្នោះ សំរាប់ការបើកបរលើផ្លូវជាតិ។
ផ្នែកបច្ចែកវិទ្យាបង្កើនភាពងាយស្រួល ៈ
ក្នុងនាមជារថយន្តប្រណិត Porsche បានផ្តល់នៅមុខងារទំនើបៗជាច្រើននៅក្នុងរថយន្តមួយនេះ។ សំរាប់ទីធ្លាខាងក្នុងគឺមានសភាពធំទូលាយសំរាប់មនុស្សបួននាក់ ដែលពោពេញទៅដោយភាពងាយស្រួល និង ប្រណិត។
នៅពេលដែលយើងចូលទៅក្នុងរថយន្តនេះដំបូងយើងនឹងចាប់អារម្មណ៍ថាកៅអីខាងអ្នកបើកបរគឺអាចបត់បែនបានច្រើនបែប ច្រើនសណ្ថាន ជាមួយនឹងបច្ចែកវិទ្យាកំណត់ការចង់ចាំទៅលើទីទាំងកៅអីអ្នកបើកបរ និង អ្នករួមដំណើរ ( រួមបញ្ចូលទាំងកញ្ចក់ ទ្វារ ចង្កូត អូឌីយ៉ូ និង HVAC) រួមទាំងប្រព័ន្ធកៅអីកំដៅស្វ័យប្រវត្ត និង ទំហំដ៏ធំទូរលាយដែលអាចផ្តល់នៅភាពងាយស្រួលដល់អ្នកបើកបរគ្រប់ប្រភេទ។ ម៉្យាងវិញទៀត Porsche មួយគ្រឿងនេះក៏បានភ្ជាប់មកនៅជាមួយប្រព័ន្ធបែងចែកតំបន់ម៉ាស៊ីនត្រជាក់ជាពីរនៅផ្នែកខាងមុខ និង ជាពីរខាងក្រោយនៅខាងក្នុងផងដែល។
អ្វីដែលគួរឲ្យចាប់អារម្មណ៍សំរាប់អ្នកបើកបរនោះគឺនៅត្រង់ផ្នែកចង្កូតរបស់រថយន្ត។ ចង្កូតរបស់ Porsche មួយនេះគឺបានគ្រប់ដណ្តប់ទៅដោយប្រភេទស្បែកដ៏មានតំលៃ Alcantara faux suede និង បានបំពាក់ជាមួយនឹងមុខងារគ្រប់គ្រងសំលេង ការតភ្ជាប់ជាមួយទូរស៍ព្ទ និង មុខងារគ្រប់គ្រងល្បឿនរបស់ Cruise control ជាដើម។
ផ្នែកបច្ចែកវិទ្យាកំសាន្ត ៈ
សំរាប់បច្ចែកវិទ្យាកំសាន្តយើងអាចធ្វើការកំសាន្តជាមួយវិទ្យុ AM/FM និង ជាមួយម៉ាស៊ីនចាក់ disc ដែលមានលិទ្ធភាពអាចផ្ទុកបានចំនួន 6 disc។ ម៉្យាងវិញទៀតយើងក៏អាចបំបាត់ភាពអផ្សុកជាមួយ DVD Audio ដែលមានប្រព័ន្ធគ្រប់គ្រងសំលេងដោយស្វ័យប្រវត្ត ជាមួយនិងប្រព័ន្ធប្រដាប់បំពងសំលេង BOSE ដល់ទៅ 14 គ្រាប់។
បច្ចែកវិទ្យាប្រព័ន្ធភ្លើង និង ការចតរថយន្ត ៈ
Porsche បានបំពាក់ប្រព័ន្ធភ្លើង និង មុខងារសំរួលការចតទំនើបៗជាច្រើនទៅលើរថយន្តម៉ូដែលមួយនេះដូចជា ៈ
- ប្រព័ន្ធភ្លើង Delay-off projector beam Bi-Xenon high intensity low/high beam headlamps ជាមួយនិងស្តប់ក្រោយ LED
- ប្រព័ន្ធភ្លើង LED ប្រើពេលថ្ងៃ
- ការកំណត់កម្រិតចង្កៀងមុខដោយស្វ័យប្រវត្តិ
- ប្រព័ន្ធសម្របសម្រួលទិសដៅចង្កៀងមុខ
- Sensor ត្រួតពិនិត្យសម្ពាតខ្យល់ និង កម្រិតទឹកភ្លៀង
- Sensor មុខក្រោយ សម្រួលការចត
- កាមេរ៉ាក្រោយ
- ប្រព័ន្ធគ្រប់គ្រងប្រេងសាំង ប្រេងម៉ាស៊ីនរថយន្ត ថាមពលអាគុយ និង ប្រព័ន្ធភ្លើង
បច្ចែកវិទ្យាសុវត្ថភាព ៈ
អ្វីដែលជាផ្នែកដ៏សំខាន់បំផុតរបស់រថយន្តមួយនេះគឺបច្ចែកវិទ្យាសុវត្ថភាពដ៏ល្អ និង ទំនើបរបស់រថយន្តប្រភេទ Hybrid មួយនេះ។ ប្រព័ន្ធទំនើបៗទាំងនោះរួមមានដូចជា ៈ
- ប្រព័ន្ធហ្វ្រាំង ABS កង់បួន
- ប្រព័ន្ធហ្វ្រាំងជំនួយ
- ប្រព័ន្ធហ្វ្រាំងថាសផ្លិត មុខក្រោយ
- ប្រព័ន្ធការពារអ្នកដំណើរ និង អ្នកបើកបរដោយពោងសុវត្ថិភាពចំនួន 8 ជាមួយនិង sensor គ្រប់គ្រង
- ប្រព័ន្ធចាក់សោរដោយស្វ័យប្រវត្ត
- ប្រព័ន្ធផ្តល់ដំណឹងសុវត្ថិភាព និង ការពារចោរកម្ម
- សោទ្វាការពារក្មេងតូច
- ប្រព័ន្ធកូនសោស្មាតឃី
- ប្រព័ន្ធបញ្ជាទ្វាបិតបើកទ្វាផ្ទះ
- ប្រព័ន្ធប្រាប់ទីតាំងជាមួយនឹងការបញ្ជាតាមរយះសំលេង
- ប្រព័ន្ធភ្លើងផ្តល់ដំណឹងពីរថយន្តនៅខាងក្រោយ
- ប្រព័ន្ធគ្រប់គ្រងរបស់ ABS និងភាពរអិលរបស់កង់នៅពេលធ្វើដំណើរ
- ប្រព័ន្ធត្រួតពិនិត្យពេលបើកបរជាមួយនឹងល្បឿនចម្ងាយ
- ប្រព័ន្ធកង់តាក់បិទបើកទ្វាក្រោយអូតូ
ទាំងការរចនាម៉ូដដ៏ប្រណិត និង ល្អឥតខ្ចោះ បូករួមជាមួយនឹងបច្ចែកវិទ្យាដ៏ទំនើប និង ទាន់សម័យ បានធ្វើឲ្យរថយន្តមួយនេះមើលទៅពិតជាគួរឲ្យទាក់ទាញយ៉ាងខ្លាំង។ សំរាប់ខ្ញុំផ្ទាល់ ខ្ញុំពិតជាចូលចិត្តរថយន្ត Porsche Panamera S Hybrid នេះខ្លាំងណាស់ ដោយសារភាពទៀក់ទាញ និង ទំនើបរបស់វា ហើយអ្វីដែលសំខាន់បំផុតនោះគឺរថយន្ត ប្រភេទនេះគឺប្រើប្រាស់សាំងតិចមែនតែនដែលអាចជួយសំរួលដល់ការចំណាយទៅលើសាំងរបស់យើងបានយ៉ាងច្រើន។
Editor Note
រូបភាពនៅក្នុងអត្ថបទនេះបានចូលរួមសហការជាមួយឃ្លាំងឡាន សោម ច័ន្ទថា លេខ 568 ដែលមាន ទំព័រ Facebook នៅ ទីនេះ។